Despues di 7 dia un biaha mas un peñero of miho bisa un boto Venezolano a wordo gespot biniendo direcion di nos isla, no tabata trata di un grupo grandi e biaha aki, pero di 5 persona, parse entrenan lo tin un menor tambe den e boto.
Diadomingo anochi “trempan” den careda di 10’or y mey, Aruba su radarnan a capta algo ariba lama direccion di nos isla. Mesora a bati alarma, helicopter di Polis, kustwacht y polis maritimo hopi lihe a drenta den accion. Enberdad algun miya pariba di Aruba nan a bin topa cu e boto.
E boto aki fuera di tawata trata na drenta hende ilegal na nos isla, tambe e tawata purba un biaha mas di drenta cu un cantidad di bulto parecido na droga.
Na momento cu nan a ripara cu nan a wordo sorprendi rápidamente a cuminsa deshaci di e droga, door di benta nan den lama.
Den un cooperacion un biaha mas cu Radarkamer, Polis di Aruba, su helidcopter, polis maritimo y Kustwacht cu su metalshark y avion Dash, a logra intercepta e boto y manera ta custumber a hibanan na e base di Kustwacht na Savaneta unda tur a wordo baha y den boei a ponenan sinta.
Un rato despues a presenta algun recherche di departamento di droga cu ta esun cu lo sigui cu e investigacion.
No ta conoci cuanto droga nan a haya pero tabata mustra cu ta trata di un cantidad basta grandi cu a keda drief riba lama y intercepta pa autoridad.
Esaki ta danki na e radarnan cu ta trahando optimalmente, helicopter di polis, Kustwacht y polis maritimo cu a actua lihe pa asina por a pone man riba e hendenan indocumenta y tambe riba e droga prome cu e la yega riba nos isla.
E bon cooperacion entre Kustwacht cu Cuerpo policial di Aruba, e radar y e helicopter ta toolsnan hopi importante tambe pa combati ilegalidad.Un biaha mas un pabien pa Polis y Kustwacht pa nan bon trabou.
