Detenshon relashoná ku atrako

Kontinuando ku un investigashon relashoná ku un kaso di atrako ku a turna lugá dia 09 di november 2022 na un kas situá den Kaya Tor van der Linde, polis a hasi dos detenshon.Djárason 4 di yanüari 2023, alrededor di 09.28’or di mainta polis a hasi detenshon di e homber Q.C.R.O.,di 36 aña di edat nasé na Korsou.

E detenshon ariba menshoná a turna lugá na warda di reshershi. Alrededor di 14.55’or di atardi riba Winston Churchillweg Atrako Tim a hasi detenshon di un di dos sospechoso den e kaso.Ta trata di e homber C.J.M.J.,di 27 aña di edat nasé na Korsou.

A presentá ámbos sospechoso dilanti di un fiskal ouksiliar. Despues di interogashon Q.C.R.O., a rekobrá su libertat mientras e sospechoso C.J.M.J.,a wordu enkarsela pendiente di mas investigashon.