Kuerpo Polisial di Korsou ta duna tepnan pa preveni atrako riba kaya

Evitá di kana ku gran kantidat di sén késh huntu ku bo.Hasi mas tanto posibel uso di tarheta di..débito'” pa “swipe”  na establesimentunan;

No kana ku artikulonan di balor manera telefon, téblet ets di un manera vislbel. Esakita atrahé atrakadonan;

Hende muhé mester evitá di kana ku tas grandi of tas ku man largu: Si bo ta kana riba kaya, trata na kana mas tantu posible ku kara pa e tráfiko ku ta bin den direkshon kontrali. E ta mas sigur i ta stroba un atrakadó di hasi bo algu pasobra e tráfiko tin bista ríba dje;

Den kaso ku bo mester kana na sitionan aleha, pidi un óf mas persona pa kompaña bo;

No lanta sén na mashin nan di ATM  ku ta aleha i hasi esaki  mas tantu posibel durante oranan di dia;

Den oranan di anochi, no kana bo so i evitá di pasa den areanan kaminda tin mondi, kasnan no habitá  of ku ta hopi sukú;

Evitá di kana anochi bo so ríba kaya i sigur den áreanan ku poko íluminashon. Preferibel ta den kompania di un of mas persona;

Kana ku confianza, determinashon i pasonan firme pa bo yega bo destinashon un bes;

Bisti sapatu i paña ku bo por move fásil den dje, i tambe pa si  enventualmente bo mester kore. Evitá di kana ku hopi saku i pakete;

laga un famia of konosi sa ki ora bo a sali fo’ i unda, ku kua destinashon i kua ruta bo ta usa;

No tuma left serka hende ku bo no konosé;

No para papia ku hende ku bo no konosé, sigur den oranan di anochi;

No para papia ku hende ku bo no konosé, sigur den oranan di anochi;

Sea semper alerta! Na momentu ku bo ta kana, wak rónt di bo. Si atrakadó nota ku bo ta alerta, bo no ta bira un opheto interesante mas p’e;

Si bo mester hasi uso di transporte pübliko ku ta pasa na oranan stipula (manera konvoi), no bai sinta den oranan di anochi muchu adelanta na borchi di bus;

Evitá mas tantu  posible di usa e mesun ruta i si por, laga un hende di kas bin kontra bo na mitar di kaminda, si ta bo so ta yegando kas anochi.

Kuerpo polisial  ta sigui duna su kontribushon ni komunidat  pa evitá mas tantu posibel ku siudadanonan ta bira viktima di atrako.

Na momentu ku bo konstatá un situashon sospechoso, méldu polis mesora.