Diaranson mainta, Minister Endy Croes y colega Minister Dangui Oduber tabata presente na e ceremonia unda cu 330 empleado di industria hotelero a participa na e Supercharged Service Training Program 2022 di Aruba Time Share Association (ATSA) y CHTA Education Foundation na e Ballroom di Aruba Marriott Resort & Stellaris Casino. Empleadonan di diferente compania y/of organisacion a participa durante diescuatro dia na e programa aki. Minister Endy Croes a duna un discurso y a duna un palabra di felicitacion na e 330 profesionalnan cu a completa e cursonan aki cu exito y di forma cu nan por sigui promove Aruba y brinda un miho servicio na e huespednan di Aruba. Ademas, e Mandatario di Enseñansa a felicita ATSA, ATA, Caribbean Hotel & Tourism Association Education Foundation Foundation y asociadonan di diferente organisacion cu a traha den colaboracion cu otro, pa asina logra e tremendo tayer aki.
