Manera tur hende sa, na inicio di 2022, HoneyPot a lansa e super hit song” You don’t have to go away” un tema pa conscientisa nos comunidad en general, specialmente nos hobennan adulto, cu ta cay den e stage di depresion of otro enfermedad mental.
Despues di e acogida grandi di e cancion aki, publico a pidi pa mas version.
E tema compone pa Chayo Tromp, a bay diferente radionan local como # 1 pa simannan largo ariba nan billboard!
E titulo ta bisa nos, cu maske e bataya ta hopi grandi pa lucha cu ne, toch mester busca pa pasa door di dje y busca ayudo. E video clip y e prome version a logra impacta nos comunidad inmensamente y asina tambe a pidi pa un otro version.
Debi na e acogida, a dicidi pa lansa e Lyrics Video Clip, version acustico hunto cu Darrel Lacle (Bass) Chayo ( vocals y guitar), den studio di Hubert Thiel, cu sin duda a haci un bon trabou.
E lyrics video tabata den mannan di e profesionalnan Dany Cruz y Marlon Dubero.
HoneyPot hunto cu tur esunnan envolvi pa cu e tema aki, ta trece den un bachi nobo nobo…e biaha aki den e Version Acustico!
Danki Aruba, prensa y fanaticonan pa duna Honeypot un cobertura asina amplio, durante hopi aña pa sigui produci y aporta na cualkier conscientisacion, specialmente cu e tema aki, cu ta awor dedica na un y tur!
” You don’t have to go away”
