Delegacion di Corte ta bishita conferencia Caribbean Association of Judicial Officers (CAJO).Esaki ta e di 7 aña di e conferencia di Caribbean Association of Judicial Officers (CAJO ) cu e tema podernan hudicial den Caribe den un mundo cu ta cambiando. E evento aki a keda organisa pa e corte supremo di Caribe (ECKS ) y a tuma luga den Royalton Stint Luicia Resort.
E conferencia a atrae mas di 120 funcionarionan hudicial di tur e region cu ta inclui den e delegacion di corte comun di Husticia. E tabata un momento importante na unda cu a haci nombracion di Hues Kimberly Lasten como Miembro di comite di CAJO.
CAJO ta un Assosacion di Caribe di funcionarionan hudicial y cu nan tin miembronan den tur e paisnan di CARICOM manera Trinidad y Tobago,Jamaica,Bahamas,Surnam,Cuyana y Belice. E delegacion di corte comun di Husticia a keda lanta pa 6 persona cu ta e presidente di corte comun di Husticia Mauritsz de Kort, Huez Kimberly Lasten, y Hues Debby Angela,Huez Nicole Martinez y e asesor principal di corte comun di Husticia Andre Steg y tambe e secretaria di comision di supervision di proteccion di datonan personal di BES Roella Pourier.
Durante di e conferencia di dos dia y mei tabatin varios seccionnan unda cu e participantenan por a participa. E delegacion di tribunal Comun di Husticia no solamente a participa den e seccion nan sino cu tambe nan a haci un contribucion activo na e conferencia.
Huez Kimberly Lasten a presenta un seccion riba derecho di famia,Roella Pourier a presenta riba privacidad y proteccion di dato y Mauritsz de Kort a papia riba un seccion riba husticia di genero.
Durante di e asamblea general di miembronan Corte Comun di Husticia den representacion di e seis islanan di Caribe a keda nombra como miembro pleno di CAJO y desde e momento ey corte ta asocial. Bao di e status nobo aki Hues Kimberly Lasten a keda eligi como miembro di hunta di directiva di CAJO.
