A.T.A tin deseo pa haci cambionan pa futuro cu enfoke riba e ley nobo pa ATA. CEO di Aruba Tourism Authority (ATA ) Ronella Croes ta duna di conoce cu un di dos punto cu ta hopi importante cu no ta solamente e cambio di reparticion cu ta para pe solamente, pero e di dos punto importante ta cu e mester bay man den man cu e cambio di ley di ATA .
No ta trata solamente e cambio di ley cu ta regarda Tourism Heffing den e caso aki , pero A.T.A tin su propio ley y den e ley aki entre otro mester ta hopi cauteloso unda cu mester duna A.T.A espacio mirando cu e presupuesto na e momentonan aki ta net net y no tin espacio pa contra aresta situacionnan cu kisas no ta spera.
Haci cambio di e ley di A.T.A pero entre otro permiti A.T.A si acaso tin un resultado positivo den aña A.T.A ta retene e suma y e no mester bay gobierno. Loke ta un realidad ta cu actualmente gobierno ta ricibiendo caba share y sigur mas eleva na e momentonan aki di e tourism heffing y ATA ta compronde esaki y tin tur comprension pa cu esaki, pero A.TA. ta señala manera cu ta parti di e trabao di A.T.A cu no mester risca unda cu no ta necesario enbes di duna A.T.A su espacio pa e por sigui guia e turismo tambe den e direccion cu nos tur ta desea.
Na final di dia nos mester ta consciente cu tur cos ta mara na turismo y si mester mira for di 1986 bin dilanti por mira cu si e Touism receipts baha Aruba su CDP ta baha y e economia ta baha. Ta duidelijk cu si e Touism receipts baha of subi entrada di impuesto pa gobierno ta baha of subi den mes un manera cu e Touism receipts ta move. A.T.A su tarea ta pa laga e Touism receipts sigui subi conforme e proyeccionnan y cu esaki tambe e economia di Aruba lo sigui subi y entrada di impuesto pa gobierno tambe lo sigui subi
