Ora un mucha no ta obedece su mayornan den Señor , no solamente e ta rebeldia contra su mayornan, pero e ta rebeldia contra Dios, pasobra e palabra di Dios ta bisa pa: Honra bo tata y bo mama.
Dios a establece esey den Efesionan 6:1-4.
Ora hende grandi cu a tende of conoce e palabra,pero ta haci mescos cu mucha, e ta peca concientemente y ta haci su curason duro contra Dios, ta yega e momento di pidi Dios tene misericordia di e persona of personanan, pasobra nan ta busca confrontacion cu Dios.
Pasobra mesun cos cu ora hende haci robes riba tera nan lo confronta autoridad di tera, asina ora hende rechasa e palabra di Dios y haci manera nan kier, nan lo tin cu confronta e autoridad di Dios,kende ta doño di cielo y tera.
Pesey duresa di curazon ta bini, pasobra nan ta pensa cu e palabra di Dios lo faya y e lo no cumpli, y nan no kier reconoce Dios su fieldad.
Curason duro nunca ta reconoce e chaos cu e ta ocasiona, pero semper lo tin excuus, buscando fayo unda cu ta, buscando rason terenal semper lo , basa riba sabiduria humano, y no den e Berdad di Dios.( Romanon 8:6+7+8)
Pasobra esey ta e plan di diabel di mantene hende bao di engaño, den cual nan ta pensa cu nan tin razon, y cu Dios ta robes, Dios su palabra ta robes, y Dios su principionan ta robes.
Y asina hende ta lanta e furia di Dios den nan bida cual ta hiba na perdicion, si nan no arepenti.
Y tur hende cu tin sano huicio, lo sa cu no ta momento di debati, ni discuti, pero a yega e ora pa sclama pa Dios su misericordia y compasion.
Ta dificil pa nos tur lubida, con nos tur ta wordo spierta den Galationan 5:19-21 , Galationan 6:7-8, y 1 Corintionan 6 ;9-10. Dios tene misericordia.
Esaki mi ta bisa anto y ta afirma hunto cu Señor, pa boso no cana mas, mescos cu e paganonan tambe a cana den e banidad di nan mente.
Siendo tapa cu scuridad den nan comprendemento, exclui di e bida di Dios, pa motibo di ignorancia cu ta den nan, pa motibo di duresa di curason.
Perdiendo tur gevoel, a entrega nan mes na sensualidad pa , cu golosidad, nan practica tur clase di impuresa. ( Efesionan 4:17-19).
Nos ta invita tur hende pa lesa y comproba te na unda duresa di curason, impuresa y bofon di Dios, por hiba e ser humano den Romanonan capitulo 1 vers 24-32, pa despues mira tambe consecuencia di capricho y curason duro cu no kier arepenti den Romanonan 2:5-11.
Ma ora su curason a halsa, y su spirito a bira asina orguyoso,cu e tabata comporta su mes cu arogancia, e a wordo baha for di su trono real y su gloria a wordo kita for di dje. ( Daniel 5:20).
Dios no a manda su yiu den mundo pa condena e mundo,ma pa mundo por wordo salba door di dj’E.(Juan 3:17-18).
E plan di e enemigo ta pa hende odia otro, mas e plan di Dios ta pa hende stima nan prohimo manera nan mes.
Ta pesey si bo mira bo prohimo ta cana den caminda di destruccion pa su bida y su alma, bo mester avise, y no djis bisa laga cada ken den haci locual nan kier , pasobra ningun hende ta doño di nan curpa( 1Corintionan 6:18-19) pero roga na Dios pa asina e por reconcilia cu Dios.
