For di final di aña 2019 te cu cuminsamento di 2022 mundo a wordo cubri cu Covid, tur cos tabata scondi tras di Covid, preis di cuminda, remedi, viaje, turismo, bishita famia, un brasa, un sunchi, tur cos via app,tene man di bo yiu, cuarentena, shelter in place, toque de keda, Carnaval a para keto, dificultad pa bishita cas di grandinan, scol sera, Iglesia sera, mantene distancia, mondkapie den avion, telefon a bira mas importante cu hende,hende ta muri den cas cera, y tur morto tabata carga e nomber di Covid. Y Covid no a bay, ainda e tey ta mata hende rond mundo.
Awor tin algo nobo riba mercado: Guerra di Rusia-Ucrania y mihor nos no yame guerra pasobra e no ta guera e ta un abuso di poder militar di un pais contra otro, un grandi ta suta un chikito, e spirito di tirania y terorismo ta bibo ,caminda tur sorto di arma ta wordo purba contra di e ser humano, caminda hopi pais rond mundo ta purba bende nan ultimo invento militar na Ucrania of Rusia,pa wak cual arma moderno ta mas efectivo pa mata e ser humano.
Tur preis di tur cos a subi y e nomber ta Rusia /Ucrania, tin un tardansa den post y carga, preis di transporte maritimo a subi, cuminda a subi, hopi parti di mundo no tin cuminda, hopi decision mester wodo tuma y hopi inversion mester wordo haci, y tur lo demas tin nomber y faam Rusia/Ucrania.
Y pa corona e obra rond mundo ta boca habri pa Cambio Climatologico./ Señalnan di ultimo tempo (Mateo Capitulo 24.)
Pasobra ken tin placa pa wanta laman ora e kier tuma su lugar bek, caminda hende a dempel y traha locual cu nan kier? No tin gobierno na mundo cu por hacie esey.
Ken por stop un yobida fuerte di awacero pa varios dia.
Ken por para un tormenta di sneeuw?
Ken por stroba un riuw di crece y pasa over?
Ken por para un orcan si e lanta categoria 6 of 7?
Ken por para un tornado?
Ken por preveni of para un temblor riba scala 9?
Ken por wanta atake di animalnan feros cu pa motibo di calor, friuw, y falta di cuminda, cuminsa drenta pueblonan y come hende?
Tur esaki nan ta cos nan cu ta pasando hunto cu e Cambio Climatico.
Ta solamente den Señor nos Dios nos por tin confiansa. Pero nos kier bisa bo pa no spanta.
Pasobra ta para scirbi:Di berdad ,di berdad, mi ta bisa boso, e generacion aki lo no pasa, prome cu tur cos tuma lugar. Cielo y tera lo pasa ma mi palabranan lo no pasa.(Lucas 21:32)
Tene cuidao pa boso curason no ta carga, pa causa di paranda, buracheria y preocupacion di bida, y e dia ey no bini diripiente riba boso manera un trampa.
Pasobra e lo bin riba tur esnan cu ta biba riba superficie di henter mundo.
Ma sea alerta tur ora bay, haciendo oracion, pa boso por tin forsa pa scapa, di tur e cosnan aki, cu ta bay tuma lugar, y para dilanti e Yiu di hende.( Lucas 21:34-36).
Pesey Dios den su inmenso amor pa nos no a duna ningun promesa falso, pasobra Dios no ta haci politiek, cu bida y alma di hende , Dios a pone un condicion pa nos tur igual: Pasobra Dios a stima e mundo asina tanto cu e a entrega su Yiu unigenito pa ken cu kere den dj’E no bay perdi pa hanja bida eterna ( Juan 3:16).
Si awe bo scucha e bos di Señor no haci bo curason duro, habri bo curason pa Cristo Hesus, nos Señor y Salbador.
