E tradicionnan ta conocemento bibo y existente. Un conhunto di ideanan relaciona cu a keda permanente a traves di añanan. Nan ta ser considera cu nan ta dinamico, pasobra segun e tempo ta pasa bay esakinan ta bay cambiando, aunke den algun caso, e atencion ta centra su mes den mantene nan exactamente manera nan ta.
E motibo pakico e tradicionnan ta importante ta cu nan ta transmiti balornan comparti, historianan y obhetivo di un generacion pa otro generacion.
Nan ta motiva e sociedad y sociedadnan na crea y comparti un identidad colectivo, cu na su turno ta sirbi pa duna forma of identidadnan individual.
Expresionnan di e vision di mundo.
E tradicionnan cultural nan ta manifestacionnan cla di con un grupo den particular ta sinti e mundo y nan ta marca momentonan significativo of transicionnan di e bida. Den hopi culturanan, por ehempel, ta masha comun pa celebra e transicion entre infancia y edad adulto. E celebracion ey por ta tuma forma di un quinceañera, un custumber latino americano, caminda ta celebra e transformacion di un mucha muhe pa un hende muhe adulto.
Otro ta manera nos Dande, con nos tin masha hopi aña ta haci esaki cu ta un manera e tradicion di hiba bendicion di cas pa cas. Hogar pa cada hogar y cada miembro di famia. Un bendicion pa habri un aña nobo cu bendicion, di bon salud, bienestar, abundancia y bon deseonan pa un miho Aña Nobo.
E tradicionnan, tin varios elemento clave. Na prome luga, ta trata di algun tipo di bon deseo, un ritual ceremonial di sencia cas, cabes di cas ta haci oracion y tambe ta pidi bendicion pa henter famia. Na di dos luga, nan ta involucra un grupo di hende; E ta colectivo y social den e naturalesa, Na di tres luga, e tradicion aki ta cuida y conserva pa esnan cu ta stima nos tradicionnan, como tambe e historiadonan, cu acceso na e conocemento of e berdad tras di e custumber, rito y e parti sagrado cu ta hiba e bendicion y p’esey e ta ser canta cu/fo’i profundo di bo curason y asina’ki e tradicion di Dande ta ser comparti fo’i curason y di cas pa cas pa cada miembro di famia. Na di cuater luga, esakinan ta trek y trece e emocionnan di suerte, abundancia cerca e individuonan pa logra un sinti di auto-consciencia di esaki.
Den algun culturanan, e tradicion, e rito, nan ta importante pa e auto-identidad den e contexto di un sociedad mas grandi ainda. Un tradicion por tin impacto profundo y duradero den e forma caminda e persona ta wak su mes den e futuro.
Nan ta fortalece e sentido di comunidad.
Nos tradicionnan ta unico y tambe ta funciona pa fortalece e sentido di pertenece na cierto comunidad. Por ehempel otro camindanan, un dia di accion di gracia ‘Thanksgiving Day’ ta un fiesta nacional caminda henter famia of famianan ta reuni hunto pa comparti un cuminda tipico: calacuna yena y sauce di cranberry. Di e mesun manera, e tempo di Pasco na Aruba na unda algun hende ta tuma vakantie di Pasco, specialmente pa pasa un tempo caminda nan ta pasa tempo hunto cu famianan. Tambe laga nos corda riba e custumber pa prepara y drecha cas pa e temporada di celebracion di Pasco di tur aña.
Esakinan, hunto cu otro factornan, ta contribui na reforsa y mantene loke ta significa ser Arubiano.
E cultura den cua nos a crece ta defini nos vision di nos mes y di e mundo cu ta rond di nos y ta mantene un conexion cu nos ancestronan y tradicionnan. E sentimento di pertenece nos mester cuida, pertenece na un grupo di hendenan cu kende nos ta identifica nos mes ta un necesidad humano cu ta ser expresa a traves di e aprendis y e cultivo di un herencia etnico, religioso y cultural. E identificacion ta hopi importante den e conformacion di nos identidad.
E balor di e tradicionnan familiar.
Den e famianan e tradicionnan ta un fuente di identidad. Den un nivel macro, nan por siña e muchanan, e origen di e famia, mientras cu na un nivel micro, nan ta sirbi como recordatorio di eventonan chikito cu a haya forma na su famia y yiunan, por ehempel den vakantie grandi ta bay pasa hunto cu famia na un cas banda di lama of di cunucu tur aña of ta biaha hunto y comparti e amor familiar.
P’esey nos por bisa cambio ta bon, contal e mantene e tradicion den su forma original.
Adicional na dje, hopi estudio a trece dilanti cu e famianan cu ta desaroya tradicionnan tin un conexion emocional mas fuerte cu otronan cu no a establece custumbernan, ritonan hunto.
Celebra e tradicionnan ta yuda nos na mantene nos mes conecta na nos cultura y ta tambe un excelente oportunidad pa e intercambio cultural, e comprension y e aprecio cu nos mes inculca den nos hubentud y generacionnan cu ta bini, aprecia y siña aprecia y stima e culturanan di nos, aki na Aruba, di henter mundo y di un sociedad.
