PJames Finies ta den eksterior ta lobby e kampanja “SOS Bonaire Lives Matters – Pone Boneiru bek riba lista di Nashonan Uni”
Desde 16 februari 2022 nan a sali for di Boneiru en buska di sosten politiko I solidaridat ku liderazgo di gobiernonan, organisashonan, institushonan den Latino Amerika I Karibe I e 77 Asamblea General di Nashonan Uni na New York. Despues di kompleta un bishita eksitoso na kuminsamentu di November na Guyana na gobierno I CARICOM, e delegashon a regresa bek New York I atende reunionan ku paisnan I miembronan di Nashonan Uni ku ta den solidaridat ku Bonaire.
Riba 17 di november 2022 BHRO I NKBB a kontinua nan mishon di konsientisashon I a partisipa na konferensia na Mexico. E Konferensia Permanente di Partidonan Politiko di Latino Amerika I Karibe, COPPPAL, un organisashon no-gubernamental multilateral funda na 1979 na Mexico, a konmemora diahuebs ultimo na San Miguel de Allende, Guanajuato na nort di Suidad Mexico nan 43 aniversario di su fundashon.
E reunion den kual demokrasia I integrashon a wordu diskuti, tabata presidi pa Deputado Alejandro Moreno Cardenas, presidente di COPPPAL I presidente di partido politiko di Mexico, Partido Revolucionario Institushonal, PRI, ku lo kuminsa su segundo periodo komo lider di e organisashon ku ta konsisti di 69 partidonan politiko di 30 pais. Sr Finies tabata tin e oportunidat pa papia den e importante konferensia splikando e Aneksasahon illegal I Kolonialismo na Bonaire. E la revela ku nos sistema politiko tabata impone riba e pueblo kontra nan deseo, I ku a ankra e pueblo no-demokratiko i illegalmente den konstitushon Hulandes, I ku e gobierno lokalmente elegi I partidonan politiko no tin poder pasobra ta Den Haag ta disidi I traha I impone ley. Mas alew ku Hulanda a pone gobernantenan, institushonan, managernan, direktornan, no elegi, no-demokratiko ku ta disidi riba e asina jama gobierno lokal elegi.
Sr Finies su diskurso a wordu risibi ku gran aplauso I un deklarashon di solidaridat I apoyo di presidente Moreno ku COPPPAL I hopi di paisnan ku a partisipa a duna na Sr Finies I pueblo di Boneiru. Sr Finies a yama danki na presidente Moreno I tur e lidernan di gobierno di COPPPAL Latino Amerika I Karibe ku a adopta e kaso di Boneiru. I Finies a termina su diskurso ku e sita “Niun hende ta liber tanten tur hende no ta liber” I ta priminti pa sigui lucha mientras ku ta nesesario, pa soru pa e pueblo Boneriano tin un futuro.
