Partido RED democratico a yama un conferencia di prensa di caracter di urgencia, e motibo di esaki ta cu RED por a tuma nota cu a trata presupuesto di Pais Aruba 2023 sin cu a cana e camindanan pa Raad van Advies. Ricardo Croes di partido RED para dilanti di edificio di gobernador ta duna di conoce cu tratamento di presupuesto y tur ley tin un procedura hancra den nos constitucion.
Segun Ricardo Croes e presupuesto aki mester pasa directiewetgeving y e tin cu bay Raad van Advies caminda Raad van Advies mester duna su conseho y pa despues e wordo trata den parlamento tanto di parti di gobierno como parlamento hunto pa asina participa y satisface e exigencianan den nos constitucion pa cu trahamento di leynan cu ta conta pa tur hende.
Segun Ricardo Croes e presupuesto ta un di e leynan cu ta yama landsverordering. Den e tratamento di e presupuesto aki gobierno a presenta un nota di cambio y esey ta significa cu e presupuesto mester bay bek Raad van Advies pa haya un conseho pa asina despues e keda trata den parlamento, pero esaki no a tuma luga, Ricardo Croes ta duna di conoce.
Segun Croes esaki ta algo contra di nos constitucion y despues cu esaki tuma luga ta resta solamente un persona cu te ainda mester firma pa aproba e presupuesto 2023 ta gobernador. Segun Croes tur hende den pasado gobernador a yega di firma un presupuesto unda cu tabatin yen di manifestacion unda cu ex minister Mike Eman a bin cu welga di hamber ect ect. Un nota di cambio a keda presenta pero no ta manda e presupuesto bek pa raad van advies pa cumpli cu loke ta hancra den nos constitucion.
Sinembargo esaki no ta prome biaha e ta tuma luga pero e la tuma luga den pasado tambe y casi partido democratico ta conclui cu e mes un actornan cu a haci esaki den pasado ta e mes un actornan cu ta awor aki den parlamento cu ta tratando cu e presupuesto. Ricardo Croes ta kere cu e situacion aki ta algo cu no por keda acepta y partido RED ta desea pa gobernador di Aruba pone atencion riba e punto aki y defende nos constitucion y na ningun momento permiti pa e situacion aki tuma luga.
