A honra y gradici miembronan di ekipo cu a celebra di 5 te cu 30 aña di servicio
Siman pasa A.T.A. a celebra YOU anniversary 2022. Esaki, pa conmemora aniversario di 27 miembro di ekipo cu hunto a celebra 325 aña di servicio. Esaki ta e di tres edicion unda A.T.A. ta celebra aniversario di su miembronan di ekipo desde cu Oficina di Turismo a comberti den un compania ‘Sui Generis’ na 2011. Mester bisa cu ta pone atencion tambe na ekiponan di A.T.A. na diferente mercado internacional tambe.
Maestro di ceremonia Edjean Semeleer a cuminsa e anochi pidiendo pa un minuut di silencio di tur presente pa asina por honra Sr. Ruben Garcia ken inicialmente tawata plania pa ta e maestro di ceremonia di e evento aki.
Ronella Croes, CEO di A.T.A. a duna palabranan di elogio y aprecio pa e ekipo di A.T.A. expresando cu sin e miembronan di e ekipo, A.T.A. simplemente no lo por contribui na turismo di Aruba. Cada miembro di e ekipo ta aporta na e exito di e organisacion y na e bienestar di nos industria turistico.
E tema di e celebracion tawata musica. Musica tin un poder hopi special den nos bida y pa cada un di nos. Musica ta unifica, celebra, convivi, ta brinda energia, paz y amor den nos mente y henter nos ser. Construi door di diferente tono, zonido, vibracion, conbina cu canto y formacion di frasenan, cu ta haci cada piesa unico riba su mes, mescos cu cada empleado di A.T.A. cu a wordo celebra durante e anochi. Sin nan e melodia di A.T.A. no ta resona, pa medio di cancionnan cu nos por crea hunto!
A haci uzo di e cantica favorito di cada hubilario pa asina yama cada un dilanti pa ricibi nan reconocemento di A.T.A.
Esnan cu a keda honra pa 5 aña di servicio ta: Diantha Boekhouwer, Ghislaine Croes, Jason Croes, Josette Croes, Shadey Figaroa, Tita Iglesias, Micheline Jeandor, Melissa Kock, Naomi Korsen-Croes, Lindelia Maduro Valencia, Patrick Melchiors y Raul Piar. Pa 10 aña di servicio a keda honra: Ronella Croes, Marouska Heyliger, Sanju Luidens- Daryanani, Anita Rattan-Persaud y Dyane Vis-Escalona. Pa 15 aña di servicio a keda honra: Jonathan Boekhoudt, Darline de Cuba, Melanie Evans-Kelly y Paula Ochoa. Pa 20 aña di servicio a keda honra: Mario Arends y Sjeidy Dijkhoff-Feliciano. Pa 25 aña di servicio a keda honra: Maureen Werleman y pa 30 aña di servicio a keda honra Amayra Boekhoudt, Theresita Chai y Jerusha Rasmijn.
