Diabierna 4 di november, Buki di Pret a pone tur su patrocinadonan y organisacionnan cu a participa durante e 2ndo edicion di Buki di Pret durante un recepcion festivo na la Quinta del Carmen den ‘spotlight’. E aña aki, 9.000 muchanan di scol por a disfruta di mas di 60 diferente actividadnan riba e isla pa medio di nan Buki.
“Nos ta hopi agradecido pa boso participacion y espirito comunitario pa cu e Buki di Pret na Aruba. Danki na boso actividadnan, nos por a ofrece un vakantie grandi yen di diverticion pa hopi mucha cu di un otro manera lo no tabata posibel.” Kitty van der Knaap, e iniciado, a bisa den su discurso di gradicimento.
Durante e reunion, e ekipo tras di Buki di Pret no solamente a waak bek pa recorda e exito di zomer pasa, sino tambe waak pa futuro, encuanto e di 3 edicion di Buki di Pret: “Naturalmente, nos ta spera di topa otro bek e aña benidero den nos buki y duna bon bini na hopi mas organisacion”.
E encuentro festivo a wordo patrocina den su totalidad pa Mr Green Aruba y Quinta del Carmen. Divino, H&H y Arion a patrocina e biñanan.
UN BUKI GRATIS CU ACTIVIDADNAN Y OFERTA PA MUCHA
Buki di Pret ta un buki gratis yen di actividadnan y oferta divertido, sorprendente y educativo, valido durante vakantie grandi, specialmente pa e muchanan di scol primario na Aruba.
E zomer pasa, nos calendario di actividadnan tabata tin mas di 100 momentonan di diversion durante vakantie grandi. Hasta 4.000 uzo di e Buki di Pret a wordo realisa pa e muchanan di Aruba durante e vakantie grandi.
MAS DIVERSION CU TA POSIBEL DURANTE VAKANTIE GRANDI
E obhetivo di Buki di Pret ta pa ofrece un cantidad grandi di mucha na Aruba entre 6 y 13 aña un temporada di vakantie grandi divertido. E buki ta ofrece un variedad enorme di actividadnan: desde deportenan y momentonan relahante te cu actividadnan creativo y educativo. Tambe tin actividadnan cu animalnan y ofertanan di cumida y bebida.
SIN ORGANISACIONNAN Y ASOCIACIONNAN LOCAL, NO TIN BUKI!
E empresarionan, organisacionnan, fundacionnan y e asociacionan di Aruba por participa cu un ayudo financiero chikito y organisa un actividad atractivo y accesibel pa tur hende. Banda di e organisacionnan activo aki, Buki di Pret tambe ta recibi e apoyo di varios patrocinadonan.
E organisacionnan cu tambe kier contribui na Buki di Pret 2023 ta keda cordialmente invita pa tuma contacto cu e iniciadonan via di: aruba@bukidipret.com
Para mas informacion tocante Buki di Pret, bishita: www.facebook.com/bukidipretaruba
