Biblioteka Públiko Boneiru ta organisá pa di 30 biaha e Siman di Buki pa Mucha. E
Siman di Buki pa Mucha ta tuma lugá di 13 di novèmber 2022 pa 18 di novèmber 2022.
E tema di e aña aki di siman di buki ta “Gi – Ga -Groen”. E tema ta enserá pa ban kuida
nos naturalesa, nos klima, nos medio ambiente, nos bestianan, flora i founa, naturalesa
bou di laman i te asta di resiklahe.
No por tin un Siman di Buki pa Mucha sin un kansion relatá na e tema!
Den e kuadro aki nos a aserka ACE Kids Club pa por yega na un kantika ku lo por
akapará tur e puntonan menshoná huntu ku su baile.
P’esei nos kier introdusí e kantika di e aña akí ku ta karga e tema”Ban kuida nos
naturalesa”. E kantika ta kantá pa ACE Kids Club. E ta un komposishon di Zoë
Bernardina. (Lider di ACE Kids Club) i ku areglo di e gran músiko Xemio Jacobs. Den e
piesa ACE Kids Club aki ta feature, Zouk’aino i Melody Jacobs.
E piesa ta karga un ritmo hopi apart krea pa Xemio Jacobs, e ritmo yamá Simadan
Fusion. E ritmo tin influensia di simadan den dje. Dia 13 di Novèmber ACE Kids Club lo
tei presente pa kanta i presentá e piesa na apertura di siman di buki pa mucha.
E piesa aki tin su video clip tambe ku lo keda estrená na kuminsamentu di otro siman.
Apertura di Siman di Buki pa Mucha ta riba djadumingu 13 di novèmber 2022 di 4 or pa
6.30or PM serka nos na Biblioteka Públiko Boneiru. E adrès ta Kaya Gramèl s/n. Nos ta
warda tur nos muchanan i nan mayornan!
