Actividadnan di Festival di Buki pa Mucha 2022 ta den cuadro di e tema ‘Biba Natura-Lesa!’ Festival di Buki pa Mucha 2022 ta tuma lugar den siman di dia 7 di november pa dia 11 di november. Apertura ta tuma lugar diabierna awor 4 di november na Cas di Cultura, di 5or pa 7or. Show pa mucha ta cuminsa 6or.
Manera custumber un grupo di autor y ilustrador ta bishita mayoria di e 60 scolnan primario, basico y special di Aruba den e siman di dia 7 pa dia 11 di November. Parti atardi tin actividad pa mucha na biblioteca di 3or pa 4or tanto na Playa como na San Nicolas. Lo ta bay tin hopi contamento di storia, demostracion y presentacion. Cu mucho gusto autornan ta comparti nan experencia cu mucha pa nan sa poco mas di skirbimento, lesamento y e mundo di buki.
Special pa e festival ta produci un buki pa mucha. Un buki cu ta bay na tur e scolnan participante. Biblioteca a conta cu escritornan James Ocalia y Evelien van Dort y ilustradornan Paul Wong y Wouter Goudswaard pa un bunita produccion. Esaki ta obtenibel na libreria cu cumpra di 25 florin of mas.
Dialuna 7 di november ta habri den sala di exposicion e exposicion ‘Biba Natura-Lesa’. Tur hende ta bon bini pa wak esaki. E exposicion ta habri for di dia 7 di november te cu dia 2 di november 2022. Mas informacion riba nos website: