Fraccion di partido Democraat na Boneiro a pidi un reunion den conseho Insular na Passangran. Lider di partido Democraat Clark Abraham a pidi e reunion abase di e rapport nan cu sali y cu ta papia riba e rotonde , situacion di Chogogo, pero tambe riba e articulo cu a sali riba follow the money .
E articulo aki ta papia riba integridad pero tambe di dudanan di integridad den Colegio Ehecutivo (Gobierno ) pero tambe di un cultura di miedo cu ta reina bao di e empleado publico. Fraccion di Democraat a pidi un reunion pa trata e reunion aki den Conseho Insular (Parlamento ).
Tambe a tuma nota di un yamada cu a sali, pero e punto mes a pidi pa reunion di integridad den gobernacion hunto cu cultura di miedo a keda poni riba agenda pero como ultimo punto riba agenda cu lo ta bay tuma luga den oranan di anochi laat. E reunion lo tuma luga diamars awo den Passangran.
Segun Lider di fraccion Democraat si mester tuma nota di loke cu tin den noticia ultimamente ta un situacion di preocupa. Actualmente na Boneiro tin un manera hopi diferente di atende cu peticionnan unda cu tin hende ta haya privilegio y otronan no. E cambionan na Boneiro ta grandi segun Lider di Fraccion Democraat Clak Abraham, porehempel na momento cu tabatin boadparty por a tuma nota un cantidad di polis, Coast guard y personanan si STINAPA algo cu sigur nunca no a experencia den tur añanan cu ta biba na Boneiro.
Esaki ta un evento inocente unda cu ciudadanonan ta disfruta. Di otro banda no a mira ningun di e accionnan aki a bay na ningun di e hotelnan y avisa nan cu nan ta kibrando ley door di no duna acceso na lama unda cu tur hende mester por yega. Segun Clark Abraham no por a tuma nota di ningun di e accionnan aki a tuma luga na momento cu hotelnan ta kibrando ley na Boneiro.
Ta lamenta cu ningun diputado y tampoco gezaghebber no a instrui ningun polis ni Goast Guard, ni STINAPA pa habri porta pa pueblo Boneriano disfruta di su patrimonio. Lider di partido Democraat tabata basta furioso y tabata bon cla cu Boneiro tin leynan, abuso cu tin actualmente ta den nos leynan y e ta para den burgelijkwetboek di Boneiro, e ta para den ordenansa unda cu ta otorga pa nan por traha playanan artificial unda cu e ta para como condicion explicito.
E pregunta ta keda dicon e accionnan y control nan na e daño di patrimonio di Boneiro no ta sosode ? Segun Clark Abraham esaki ta un di e movecionnan cu tin cu ta duna privilegio na cierto gruponan den nos comunidad y e otronan aparentemente pa nan si ley cu no ta ni existi ta purba di impone y otronan cu leynan cu si ta existi nan kier tolera.
Lider di partido Democraat ta kere cu ta hopi importante pa e Boneiriano puntra su mes cu si ta e tipo di gobernacion nan aki kier pa sigui dirigi Boneiro. Un gobernacion di privilegio unda cu cierto gruponan ta haya nan cu tur interes y tur derecho y tur porta ta habri pa nan, pero pa e pueblo margina y humilde aparentemente nada no ta posibel.
Boneiro ta den peliger na momento cu bo derecho como ciudadano no ta igual cu otro.Hopi hende ta bay for di paisnan asina paso e persona kier libertad, kier derecho igual, kier oportunidad pa su famia. Segun Clark Abraham e pregunta ta keda cu si nos como Boneiro kier keda bay den e direccion cu e ta bayendo, lamentablemente Boneiro por yega den e mes un direccion cu otro paisnan den region cu no por bisa cu tin igualdad y libertad, esaki ta di lamenta