Fiscal di husticia a exigi un castigo di prison di 11 aña contra e sospechoso J.K. di 25 aña di edad, cu ta
wordo acusa di un intento homicidio di un agente policial di rango brigadier di Cuerpo Policial di Aruba.
Riba prome di mei 2022, e sospechoso K. a dicidi durante un control di polis pa ranca sali bay cu su auto
diripientemente y cu velocidad halto, caminda el a lastra e agente policial casi 100 meter y a bay riba un
palo di luz. E agente policial di 31 aña di edad a resulta muy gravemente herida den e caida y boksmento
cu e palo di luz. E sospechoso a sigui core bandona e sitio.
Mas despues a haya den e auto un arma di candela. Banda di posesion di e arma aki ta acusa e
sospechoso tambe di a menaza dos persona na un sitio nocturno e mes anochi ey cu un arma di candela.
Ministerio Publico ta tuma e sospechoso sumamente na malo cu el a comete violencia contra un agente
policial. Trahadornan di ayuda manera polis mester wordo juist proteha contra tur forma di violencia.
Sigur den un caso manera esaki cu no tabatin ningun motibo pa violencia.
Corte lo dicta sentencia riba 4 di November pa 8.15’or di mainta.
