Nos por a tende parlamentarionan di mep ta papia di importancia di rol di e tata den nos bida. No mucho tempo pasa tambe un otro parlamentario di partido mep ta papia di e rol di un tata den bida di un yui. E nucleo familiarsinembargo no ta prioridiad pa e partido aki. Dia 1 maart 2021 e partido aki a dicidi di vota pa aproba e geregistreerd partnerschap y nos por corda cu 17 parlamentario di tanto mep como avp, red y por a vota na fabor di e ley aki. Awe nos por mira cu 2 di e partidonan aki no a saca asiento den e eleccion di 2021. Nos di partido Curpa no ta contra di ningun hende. Cada persona ta responsabel con e ta desea di hiba su bida y na final e lo mester duna cuenta dilanti Dios.
No mucho tempo pasa a bin riba e tema pa trese cambio den nos Codigo Civil pa cambia e geregistreerd partnerschap pa matrimonio di mesun sexo. Nos por a sigui e desaroyo di e ley transgenderwet cu a wordo trata den parlamento Hulandes. Un ley cu lo causa mas daño cu bon. Den e ley aki muchanan menor di edad por dicidi di cambia su sexo y su mayornan lo no tin nada di bisa paso nan lo perde nan autoridad como mayornan. Ta papia aki di muchanan bao di 16 aña di edad. E ta djies bai Censo y eynan e por pidi pa cambia su sexo. Despues cu e cambia di sexo e lo por drenta baño y e lo por hasi uso di baño di hende muhe of visa versa e lo por drenta baño di hende homber. Nos por a mira e cambio caba cuminsa tuma lugar y asina ta sigui exigi mas pa despues pidi pa legalisa pedofilia. Akinan ta unda ta pone nos criaturanan nan bida den peliger pa wordo abusa.
Leynan di hende nunca lo por bay contra leynan di Dios. Nos ta e unico partido cu a para y ta para pa leynan di Dios. Dios a diseña e famia pa ta exitoso y cu por enfrenta cualkier retonan cu presenta su dilanti. Mas nos pueblo hala for di Dios mas pio nos situacion a bira. Aruba esaki ta e tempo pa nos reflexiona y realisa cu nos a purba sin Dios y nos resultadonan a empeora enbes di mehora. Nos ta sigur cu nos pueblo den profundidad di nan curason ta desea di mira un cambio.
Hopi pais nan wowo a habri y a lucha pa un cambio. Siri Lanka ta un di e promer paisnan cu su pueblo a lanta y a corre cu e gobierno cu tambe ta forma parti di e agenda 2030. Paisnan manera Hungria, Polonia y awor Italia no ta kere den e metanan di desaroyo sostenibel y ta para firme pa e famia. Nan ta ninga di pasa leynan cu ta bai contra di e famia institui pa Dios. Nan ta mira e bienestar di nan pueblo y no tin mentalidad comunista. Italia su cambio a cuminsa sacudi Union Europeo. Pronto lo tin mas cambio den paisnan cu ta forma parti di Union Europeo.
Nos no por compronde cu parlamentarionan di partido mep cu ta bisa di ta Cristian kier papia di e famia institui pa Dios, pero ta forma parti di mep y di gobierno cu a firma un acuerdo di metanan di desaroyo sostenibel y ta un di e puntonan aki ta hinca den e agenda 2030 y su meta ta pa caba cu e famia segun diseño institui pa Dios. Nos ta sigur cu e parlamentarionan aki sa di e contenido di Sustainable Development Goals. Parlamentarionan di mep e yabi y poder ta den boso man pa para pa leynan di Dios. Nos di partido Curpa ta e unico cu ta para y lo keda para pa leynan di Dios y no bin cu leynan cu ta bay contra boluntad di Dios. Nos di partido Curpa tin sigur cu e husticia di Dios lo vence.
