Aruparking a cuminsa haci su presencia den Playa y rond Playa. E realidad ta cu Aruba no tin e
capacidad di parkeeplaats pa duna e espacio na personanan cu mester bay den caya Y of den besindario.
Kier introduci Arupakting pero no por carga e cantidad di hendenan cu mester haci uzo pa bin den playa y besindario.
Gobierno por duna e espacio na loke comunidad tin mester? Esaki ta un DIKKE NO.
Pa varios aña a bin ta papia so y no ta cumpli. Ta conoci cu den varios investigacion cu a haci na Playa y rond Playa NO tin suficiente caminda pa parkeer. Banda cu caya grandi ta KIBRA caba economicamente, awo a introduci Aruparking SIN bin cu alternativanan pa mas espacio pa para den caya grandi y rond caya grandi. Kico ta e consecuancia di esaki? Banda di e hecho cu ya e economia ta stanca ta forsando y stanke un poco mas. Si tabatin algun hende cu lo ta bishita caya grandi, awo lo e bira un caya spirito un biaha mas.
Banda di esaki tambe e material cu ta keda uza y keda poni riba propiedad di hende ta un falta di respet inmenso unda cu e producto ta di MAL calidad y ta haci daño na pertencia di hende, unda mester keha ?y unda mester cobra riba e daño causa ?
Ta cosnan cu a cuminsa rezona den comunidad y cu lo ta bay tin hopi mas na caminda. EA News lo keda pendiente pa tur e kehonan cu ta drentando ya caba den algun dia di introducción di Aruparking.
Cu Aruparking mester bin si esey ta un realidad , pero na momento cu introduci algo wak pa e comunidad tin opcion sino ta e comunidad un biaha mas ta esun cu ta paga pa e mal decisionnan.