Minister di Asuntonan Social y Husticia recientemente a reuni cu directiva di Casa Cuna, a atende e diferente preocupacionnan cu nan tin, pa cual ta bay traha riba solucionnan concreto pa cu esaki pero tambe lo bay wak con den e añanan nos dilanti nos por yega na solucionnan duradero.
Un punto di preocupacion cu nan a trece padilanti ta e formula cu nan ta uza pa haya subsidio cual ta data di hopi aña atras. Pues e suma di subsidio ta mucho abou pa e cantidad di muchanan cu nan tin pero tambe pa e cuido cu nan mester brinda. Ta trata di un problema cu ta andando pa mas di 20 aña caba, pues desde inicio nan a uza e mesun formula y aworaki hunto cu nan, lo bay purba yega na un formula diferente, pa asina wak con por acopla esaki den e subsidio pa e añanan dilanti.
Un reunion positivo, caminda a toca e parti di e cuido mes pa e muchanan y e calidad di e cuido, pero tambe e atencion pa e personal den forma di opleiding y esaki in samenwerking cu stichting fier. MInister di Asuntonan Social y Husticia ta kere cu tipo di reunionnan asina ta hopi importante y pa trece cambionan structura ta importante pa pone cabes nan hunto pa pensa riba e futuro di Aruba.
