DIOS TENE MISERICORDIA.
Desde comienso di mundo hende tabatin problema pa tende, especialmente tende e Palabra di Dios.
Adam y Eva tabata e prome dosnan cu a pasa den esey, pa motibo cu nan no a tende y obedece, pica a drenta mundo.
E rol di diabel ta pa hende no tende y cay den su trampa y asina e logra di destrui bo bida.
Maske cuanto hende papia, especialmente ora mayornan papia. yuinan hopi biaha no ta tende y esey ta trece hopi consecuencia desagradel.
Hesus a bisa Ami ta e Caminda, e Berdad y e Bida (Juan 14:6).Awor hende no kier tende di Esun cu ta responsabel pa nan bida.
2 Timoteo 4:3+4 ta bisa: Pasobra e tempo lo bini cu nan lo no soporta doctrina sano mas, ma alcontrario pa satisface nan mes deseonan,nan lo acumula pa nan mes siñadornan, pa bisa nan locual nan horea cu ta kishiki kier tende.
Y lo bira nan horea for di e Berdad y lo bolbe na fabula:
E palabra ta cumpliendo manera e ta para scirbi, tin hopi hende kier tende solamente cosnan bunita awendia, of solamente palabra positivo. Pero no kier tende nada di arepenti y entrega nan bida na Cristo Hesus, di coreccion, biba drechi, biba den santidad, sali for di inmoralidad, stop di haci bofon di Dios y sali for di idolatria.
Ta na unda a sali cu awor tin mucha homber hoben cu a wordo traha den e imagen y semahansa di Dios, ta pensa cu ta muher nan ta y cu hasta nan por haña yiu manera muher, esey ta e fabula cu Pablo ta papia di dje.
Of diripiente mucha muher bunita elegante, ta pensa cu nan por bira homber esey tambe ta parti di e fabula di cual Pablo a scirbi.
Y no papia mes di homber cu muher cu a casa y tin cantidad di yiu pa despues divorsia y awor diripiente pa motibo di duele of curazon amarga, kier cambia nan status sexual, caminda homber ta bira muher y muher ta bira homber esey tambe ta un fabula.
Pasobra locual ta estableci den cielo hende no por cambia riba tera.
Aunke tur gobierno di mundo aproba leynan na fabor di tur sorto di fabula, dunando nan apoyo na e mentira del diablo aki, dunando derecho terenal aki na tera, na cielo Papa Dios ta mire como abominacion.
Awor nos ta tende y mira , locual ta e asunto manera Generation X cu ya caba mundo ta conociendo.
Locual a pasa y lo sigi pasa te na e binida di Cristo cu hende lo sigi ninga e berdad, no kier tende y manera tin scirbi den Romanonan 1;24 : Pesey tambe Dios a entrega nan na impuresa, den e pashonnan di nan curazon, pa nan deshonra nan mes curpa.
Tuma bon nota cu ora hende no kier tende y sali for di cualkier bisio of inmoralidad nan ta deshonra nan mes curpa.
Pa e motibo aki Dios a entrega nan na pasionnan bergonsoso , pasobra nan muhernan a cambia funcion natural pa loke ta contra naturalesa.
Y di mesun manera tambe e hombernan a bandona e funcion natural di muher y a kima den pasion un pa otro homber cu homber ta comete acto nan indesente,y ta ricibi den na mes persona e castigo mereci pa nan eror.( Romanonan 1:26-27)
Den Jeremias 7:23 ta para scirbi : Ma esaki ta loke Mi a ordena nan bisando : Obedece Mi bos y lo mi ta boso Dios y boso lo ta Mi pueblo Y boso lo cana den henter e caminda cu Mi ta ordena boso, pa bay bon cu boso..
Job 36:10 ta bisa : E ta habri nan horea pa instruccion, y ta ordena pa nan comberti di maldad.