Temor di Dios ta nifica: Arepenti di nos pica, Respeta, Obedece, Entrega bo bida na Señor, biba cu reverencia na Dios,manteniendo, su Palabra y su Boluntad tur momento na halto den tur cos.
Integridad ta nifica: sinceridad, honestidad,obedencia na Dios, liber di inmoralidad y corupcion, trahando riba nos salbacion cu temor y temblor pa nos yega na bida eterna..
Integridad no ta un label of marca, un pleister , of excuus algo pa defende nos mes cune pero e ta un forma di biba, cu ta agrada Dios , pasobra Integridad y Temor di Dios ta hiba nos na puresa y santidad.
Caminda tin integridad y temor di Dios no por tin apoyo na maldad den ningun clase, na prome lugar Dios ta wordo respeta, den tur cos, no ta exisisti integridad parcial, ni tampoco mitar temor di Dios, integridad no ta algo di competi cune ken ta mas integro , pasobra un persona no por ta integro si e no tin temor di Dios.
Pasobra su temor di Dios ta hibe na integridad por ehempel den Job capitulo 1:9 Job su esposa a bise: Ainda bo ta mantene bo integridad, maldiciona Dios y muri.
Nos tin di corda cu Job a perde tur cos, y despues tambe wordo ataca cu malesa di blufein for di corona di cabes te cu su plante pia.
Pero laga nos no lubida con Job tabata biba : Job tabata un homber perfecto y recto, un hende cu tabata teme Dios, y cu tabata aparta su mes for di maldad.(Job 1:1)
Y asina Dios a presenta Job dilanti di satanas, cu Job ta sirbido di Dios, un persona recto y perfecto, cu ta teme Dios y aparta su mes for di maldad.
Esaki ta nifica cu ora nos ta integro, nos no por participa den ningun clase di maldad, ni menasa, ni sikiera haci redo.
Den un palabra bisa nos mester tin e karakter di Hesus, kende su integridad a wordo pone na prueba den Mateo capitulo 4:1 -11 y nos tur ta mira na final con angelnan a bini y a sibri Hesus.
Biba den integridad ta un ehempel di biba pa Cristo y e ta deber di nos tur.
Pasobra diabel ta pasando rond atacando y purba di kibra y daña famia, treciendo tur tipo di bagamunderia den cas di hende y a yega tempo pa tur hende para pa nan integridad..
Nos no por permiti nada cu ta pone integridad di nos hogar y di nos yuinan na prueba, pasobra nos mester tin temor di Dios den tur cos.
Salmo 25 :20+21 ta para scirbi: warda mi alma y librami, no lagami keda brongosa, pasobra mi ta tuma refugio den bo. Laga integridad y rectitud wardami pasobra mi ta spera riba bo.
Integridad y rectitud ta bini directamente for di Dios,no ta ora bo bira grandi bo ta haña integridad, pesey Señor ta bisa pa nos lanta nos yuinan den displina y instruccion di Señor. ( Efesionan 6:4).
Ma pa loke ta ami , bo ta sostenemi den mi integridad, y bo ta ponemi den bo presencia, pa semper.( Salmo 41:12).
Señor ta warda sabiduria sano, pa esnan cu ta recto, e ta un escudo pa esnan cu ta cana den integridad.
( Proverbionan 2:7)
Un hende husto ta cana den su integridad, ki bendiciona su yuinan ta despues di dje. ( Proverbionan 20:7)
Integridad y temor di Dios, ta necesario den bida di tur hende, y asina nos agrada Dios.
