Drs. T.J (Tim) Muller MBA ta bira e direktor nobo i alabes ‘kwartiermaker’ di Rijksdienst Caribisch Nederland. Ministerio di Asuntunan Interno i Relashonnan den Reino (BZK) a anunsiá esei. E nombramentu ta drenta na vigor entrante promé di desèmber 2022.
Rijksdienst Caribisch Nederland (RCN) ta un kolaborashon entre e diferente ministerionan pa asuntunan relashoná ku e Entidatnan Públiko Boneiru, Sint Eustatius i Saba.
Tim Muller: “Mi ta ansioso pa sigui traha riba futuro di nos islanan huntu despues di e añanan na Saba. E bia aki huntu ku koleganan di RCN, partidonan embolbí den kondishon laboral kolektivo i maneho di personal, e Entidatnan Públiko i e ministerionan. Mi tabatin e honor di hasi esaki promé komo sekretario insular di Saba i aweró a base di e funshon nobo i mas ekstenso akí. Ademas ku plaser mi kier kuminsá ku e tarea adishonal. Esun di ‘kwartiermaker’, ku ophetivo pa fortifiká e servisio públiko na habitante di Boneiru, Sint Eustatius i Saba. Huntu nos ta bai hasi esei; skouder na skouder ku tur esnan embolbí”.
Ku Tim nos ta trese un direktor ku eksperensia den kas, ku a demostrá su abilidat tantu den i pafó di Den Haag i den e área karibense. Komo sekretario insular el a demonstrá di ta kapas pa konektá metanan karibense i hulandes oropeo ku otro na benefisio di e islanan, partikularmente Saba, i Hulanda Oropeo. Mi konos’é komo un persona ku ta konektá otronan i ta spera ansioso riba e kooperashon nobo ku Tim,” Roald Lapperre, Direktor General di Relashon den Reino di ministerio di BZK ta bisa.
E ta tuma e batuta for di Jan Helmond, ku desde 2014 ta direktor di RCN. Jan ta keda okupá e funshon di Representante di Reino interino, e ta hasi esei desde 2018 banda di e funshon di direktor di RCN.
Tim Muller direktor nobo di Rijksdienst Caribisch Nederland
