Suzette Dumfries un Arubiano economista y Antropologia Psicologico renombra rond mundo ta duna bek na su pais. Cu su pashon di mira Aruba den un nivel mas halto di pensamento con nan mes por sali padilanti sin depende di un gobierno of di otro hende, pero di nan mes ta un di su metanan pa cada ken por empodera nan mes economicamente y hisa nan nivel di bida.
Den fin di siman na Universidad di Aruba den un sala completamente yen Suzette Dumfries a cuminsa cu su prome Masterclass di “Your Path To Wealth”. Na momento cu un persona tin un curashi pa bay pa algo paso bo tin un determinacion pa haci algo cu ta hopi mas grandi cu bo mes , universo mes ta uni pa haci tur cos posibel.
Na Universidad di Aruba tabatin un sala completemente yen di hende y por a sinti e hamber cu cada ken tabatin pa siña y pa wordo empodera pa nan por tuma desicionnan firme y diferente pa crea un futuro finansiero diferente ta crea y duna Suzette hopi mas motivacion pa sigui.
Suzette Dumfries ta kere cu e prome pasao aki a duna su persona mas motivacion y confirmacion cu su persona ta riba e paso corecto y loke cu e por haci pa su Arubiano nan mescos cu ne ta duna lo mehor di su mes un persona y tambe di su conocemento.
Suzette Dumfries a expresa cu su meta a keda cumpli sigur den e prome grupo cu e bin asisti den e prome Masterclass unda cu e prome simiña a keda planta den nan cabes cu nan por y tin e posibilidad di crea un bida diferente pa nan mes, pa nan famia y nan sigiente generacion cu ta sigui.
Loke cu a resalta hopi den e sala tambe ta cu hopi hende a focus riba nan situacion individual pa specificamente loke cu nan por haci den nan situacion. Esaki ta pone tambe cu na momento cu ta duna un informacion general no ta tur hende tin e habilidad di aplike nan mes, pero nan mester di ayudio y guia pa nan por logre. E programanan cu tin den e plataforma di coaching y di guia no ta enfoca riba Aruba, pero si e necesidad tey lo bin cu ne 100%.
Lo mester tuma e conocemento pone den un programa y na unda cu e conocemento lo keda aplica y hunto lo cana e caminda pa rikesa. E masterclass aki no ta solamente di sa con pa traha placa , pero tambe di siña con pa laga placa traha pa e hende. Dia prome di october tin un siegiente masterclass for di 9 or di mainta te cu 4 or di atardi y e ta tuma luga na culture cafe na San Nicolas.
E plataforma tin e nomber di The Black Wealth Club, y su website na https://www.TheBlackWealthClub.com . “Ma dicidi di yame asina pasobra pertenece na ‘The Club” Semper tabata pa hende privilegia. Mi kier e hende comun y coriente awor tin su club unda nan por siña, discuti y aplica tur locual lo yuda nan crea, sostene y preserva rikesa. Pa esunnan cu ta desea di contact mi pesona por haci esaki libremente na suzee@theblackwealthclub.com of via WhatsApp +1 212 851 3149. No lubida di subi riba e website y haya sa pa bo mes di tur e workshopnan cu tin https://www.TheBlackWealthClub.com
