Departamento Meteorologico di Aruba ta vigilando un ola tropical den parti zuidoost di Caribe. E Sistema tin un chance grandi di sigui desaroya y bira un ciclon tropical den proximo 2 te 5 dia Awe merdia 2:00 e ola tropical (wave) aki tabata situa mas o menos na 59W, cu su parti dilanti na 150km oost di e islanan mas zuid den oost di Caribe.
Cu e curso actual e wave aki ta bai move den parti zuid di e islanan mas zuid di area di Caribe entre awe y mayan diahuebs. E wave ta ser acompaña pa awacero pisa y mal tempo y ta move west te west- noordwest rond di 35 km/h y e tin un chance grandi den proximo 2 te 5 dia pa e sigui desaroya y bira un ciclon tropical. Impacto riba e weer local: E sistema ta muchu distante ahinda pa tin alerta, watches of warnings. Sinembargo Departamento meteorologico di Aruba lo continua vigilando e sistema aki y si ta necesario emiti e boletinan necesario den e caso ei. Aruba, Diaranson September 21, 3:00 PM