2022 ta simboliza un introducion di un era nobo pa cu e evento mas anticipa di aña, cu ta Art Fashion. E aña aki Art Fashion lo forma un aliansa cu DNM (Dienst Natuur en Milieu) y hunto lo trese dilanti e tan popular programa di ActNow Climate Campaign. Poniendo enfasis riba consientizacion y promocion den e comportacion di ideanan y pensamento na momento cu ta papia di escogencianan den Fashion. Act Now ta un programa hospisia pa Union Europeo, poniendo enfasis riba e SDG di “Sustainable development goals” .
E “challenge”, cu ta parti di “ ActNow Climate Campaign “, ta pa educa y encurasha cada individuo pa trese un cambio den nan comportacion, dor di ahusta su patronchi di consumo. Loke ta wordo yama “ Fast Fashion Industry” ta e di dos contribudor mas grandi di loque ta influencia e Cambio Climatico.
Cambio, den e caso aki ta escencial. Pesey e enfoque cu ta resalta den e evento “Climate meets Fashion”. Un fashion show diferente cu un mensahe insistente y cu lo ta un invitacion directo na e comunidad di Aruba pa “STEP UP” y “Act Now” formulando nan propio acion climatico y uni nan mes na e movecion pa asina yega na un mihor mundo, traha riba un futuro mas sostenible, den un mundo pa nos tur.
Diseñadornan entre otro Elisa Lejeuz, lo presenta un compilacion extra diversifica di scarves cu diseñonan cu pinturanan cu lo simboliza un homenahe na e Diosnan. Prints original di Aruba su Rock Formation ta un di e colleccion special, enfocando riba e situacion actual di Ayo Rock Formation.
Pa di prome bez Aruba lo host for di e isla di Bonaire un grupo di artista hoben “Mala Mucha” treciendo dilanti un style peculiar cu un mensahe enfocando riba extencion di animal. Tambe formando den e mensahe cancionan original combina cu baile, tur den un flow cu nan diseñonan. Un show urban y moderno.
Cada dia nos ta experencia temperaturanan halto, calor sofocante y un disrupcion di e balansa di naturaleza. Un di e hopi risiconan pa e ser humano y otro formanan di bida na mundo. E duo dinamico di nos Isla Curacao, Clayton y C lint, lo ilustra e cambionan aki den colornan bibo y diseñonan unico.
Den “Climate meets Fashion”, e concentracion ta basa riba e cuater elementonan cu ta; awa, candela, aire y tera. For di Surinam, Atelier Doree, den representacion di Hendrik y Judith Doree lo trese dilanti piesanan, joyas gigantesco y precioso, manera solamente e artistanan aki sa di ilustra. Atalier Doree a caba di celebra nan di 100 aña di exsistencia, experiencia nato y diverso, semper a sa di haci di nan, un di e mas prestigioso y moderno joyeria den Caribe.
Mas di 10 diseñador local y Internacional a pensa masha hopi mes CON pa subraya e mensahe cu nan kier trese dilanti y ki mihor lugar cu e cayanan mistico y autentico di Promenade na San Nicolas. E piso cu lo forma e pasarela lo wordo pinta artisticamente dor di Erica Moran.
Art Fashion lo tuma lugar Diarazon, November 2, 2022 cu un variedad di musica y diseño. Na unda cada modelo lo desfila riba e scenario, strike the pose, canta y baila y di un manera magico y unico demostra cu nan ta conciente di e naturaleza, re-enforzando e mensahe cu “There is no Planet B”, pa loke ta nos planeta.
Pa mas informacion bishita nos website www.artfashion.com of yama ArtisA na 5635904
