Un caso lamentabel a pasa na Paraguana unda cu un mama y su yiunan ta desespera mirando cu e tin un trailer cu basta tempo caba ta huur for di un señora di nacionalidad Dominicano cu tin un cas riba tereno erfpacht.
Segun Roxanna, propietario di e trailer ta conta, e ta paga un suma di 400 florin tur luna pa e trailer ta riba e tereno y banda di esey e ta paga 200 pa awa y coriente. E doño di e cas a exigi Roxanna pa pone su nomber riba liña di awa y aki ta caminda cu e no a acepta esaki y aki ta caminda cu tur e problemanan a cuminsa.
Segun Roxanna, esaki ta un complot di e sra hunto cu su amigo intimo cu ta traha na DIP conhuntamente cu Deurwaarder Roos. Un situacion inhumano cu a tuma luga unda cu kisas poder di posicion a hunga un rol grandi aki y e humanidad a keda poni un banda.
E mama cu su 4 yiunan a perde practicamente tur cos mirando cu DOW a dicidi di bin coge su trailer y a kibra esaki completamente unda cu e perde Stoof , Frigidaire, cashi paña. Tur paña di nan y di e muchanan y tambe documentonan y paspoort di nan como ciudadano cu ta biba den e trailer a bay perdi.
Tur esaki a sosode dilanti di e muchanan tambe, y esaki sigur lo keda un trauma pa e muchanan pa resto di nan bida. Un tristesa pa mira e actonan aki tuma luga na Aruba unda cu nos Arubianonan no ta personanan cu ta conoci di ta asina, unda cu tin un problema ta busca un solucion pa cu e situacion.
Roxanne ta conta EA News cu e sra cu tin e tereno erfpacht aki tin su cas dividi den diferente camber y ta huur esakinan cu ilegalnan y ta ricibi hopi placa di esaki, pero no tin un compania pa por huur camber. Pero si ta haci esaki. E trahado di DOW cu segun Roxanne ta asocia cu e doño di cas ta bon na altura cu riba un tereno erfpacht no tin mag di huur y of haci negoshi sin permiso.
Esaki ta un acto contra di ley, pero asina mes a opta pa pusha pa haci e escenario inhumano contra di un mama y su 4 yiunan cu no tin otro caminda pa bay y a kibra tur nan pertenencianan y cu nan lo mester cuminsa di zero un biaha mas.
Banda di tur e situacionnan aki gobierno a tuma nota di e escenario inhumano aki y tur clase di kibramento di ley y regla cu por tin pa cu derecho di un ciudadano, tanto gobierno Minister di Husticia, Asuntonan Social, Minister di DIMAS y Minister di Finansas y Prome Minister di Aruba ta na altura di e situacion aki y a cuminsa tuma accion p’asina mira den tur area kico a bay robes aki y kico ta e poder cu ta wordo uza contra di un ciudadano cu no por defende su mes.
Roxanna tambe a duna di conoce cu el a cana tur caminda pa haya un yudansa pa a sali di e situacion cu e ta aden na e momentonan aki, pero ni FCCA, Socialezaken no a haci nada pa por yuda e mama aki cu su situacion. Slachtoffershulp tambe ta na altura di e situacion.
Minister Rocco Tjon a cuminsa tuma accion y den e prome pasonan caba y tanto e mama y e muchanan no a keda riba caya y den un plaso cortico nan lo keda na Rode Kruis pa asina cuminsa atende cu e caso di cerca y haya un solucion a termino largo pa e famia aki.
