Diabierna mainta corte a trata dos caso penal contra polisnan cu nan tal bisa tabata mantene contacto cu baho mundo siendo funcionarionan di Cuerpo Policial. A pidi un castigo di 9 luna pero no tin un decision ainda.
E polisnan aki a uza un celular confisca of entrega na warda di polis, pa mantene contacto cu un señora kende polisnan mes tal sospecha cu e tabata meti den mundo di droga. Pues además di informante di e polisnan George Dammers y Tito de Mey, e tabata haci su negoshi di droga. Esey tal e motibo cu hefenan policial a cuminsa duda den e contacto aki. A sinti cu mas bien e tabata un relación di intercambio di informacion y esey nan a acusa de Mey tambe di a haci. Esta duna e señora Toppenberg informacion di un caso di droga.
E tal un caso cu a tuma luga na 2018. A schors e polisnan, pero después a permiti nan traha bek. Pero no ta trahando como Recherche sino na Strandpolitie. Ambos tin rond di dos década di servicio den KPA.
Nan a bisa cu e caso aki a dal nan duro pa motibo c unan coleganan tabata sa ki trabou nan tabata haciendo y tin cu no a ni duna declaración.
De Mey a bisa cu e caso aki a lague hopi traumatisa y cu stress. Esaki door cu el a haya menasa contra su vida y hunto cu su famia nan ta biba den asina hopi miedo cu mester a cumpra cámara después cu e protección c unan tabata ricibi a wordo kita.
A pesar di loke nan ta bisa Fiscal ta kere cu nan ta culpabel y a pidi un castigo di 9 luna pero 3 luna ta condicional y dos aña di prueba. Aki tres siman lo haya sa e decision di Corte den e caso aki.
