Tema: Dia Mundial di Turismo: un bista nobo riba turismo
Tur aña nan ta selebrá Dia Mundial di Turismo riba 27 di sèptèmber. E aña akí Tourism Corporation Bonaire (TCB) ta organisá e di dos Kumbre Anual di Turismo di Boneiru ku ta tuma lugá dia 26 di sèptèmber 2022 na Courtyard by Marriott.
Despues di un eksitoso promé Kumbre di Turismo sèptèmber aña pasá, TCB ta bai organisá e di dos Kumbre Anual di Turismo na Boneiru, ku tin komo meta pa trese nos stakeholdernan i partnernan turístiko aktivo huntu, pa papia tokante nos branding, nos konekshonnan aéreo i nos strategia di merkadeo i relashonnan públiko pa futuro. Tema di e aña akí ta ‘Dia Mundial di Turismo: un bista nobo riba turismo’. TCB ta bai presentá diferente ‘keynote speaker’ i orador invitá ku durante e kumbre lo trata vários tópiko turístiko.
Direktor di TCB Miles Mercera lo duna un bista general di e sektor turístiko di Boneiru i DATA. GlobActive, e representante oropeo di TCB, lo duna un bista general di e prestashonnan di merkadeo na Oropa (Hulanda, Bélgika i Alemania) i e direktor di Bonaire International Airport, Maarten van der Scheer, lo presentá Bonaire International Airport Updates.
E oradornan invitá pa e dia akí ta e ofisina kreativo di TCB, Dunn&Co, ku lo presentá e strategia di marka i tambe e strategia digital di merkadeo di Boneiru. Banda di esaki e ofisina di relashonnan públiko di TCB, Diamond Public Relations, lo duna un bista general di e inisiativanan di relashonnan públiko na Merka i Oropa (Hulanda, Bélgika i Alemania). Finalmente, despues di e rekonosementu resien di Boneiru komo kapital kulinario di mundu, Eric Wolf, direktor i fundadó di World Food Travel Association, lo papia tokante e strategia kulinario di Boneiru pa futuro. Pa klousurá e Kumbre di Turismo di Boneiru tin un ‘Tourism after 5 Cocktail Hour’.
Pa mas informashon i pa hasi reservashon bo por manda un email na
