Un total di 11 sospechoso tin den e caso. E sospechosonan cu mester presenta dilanti den Corte ta: Ewald Biemans, Franklin Abath, Edgar Werleman, Ninosca Nuñez, Oslin (Benny) Sevinger, Rebecca Richardson, Maria Leoncita Arends, Pieter Susebeek, Carlo Mansur, Curt Harms, y Frederic Every.
Cu un cantidad grandi di cargonan serio contra Ex Minister Benny Sievinger y mas persona rond di dje caso Aveztruz lo cuminsa. Mirando e seriedad di e caso, lo tuma 4 luna pa trata e caso. Cada luna un otro parti di “avestrus” y na final e rekisitorio y defensa y reacciona riba loke cada un a trece dilanti. Dia 7-8 di september lo trata fundacion curason berde cu ta un fundacion di campaña di ex minister Benny Sevinger segun registra na KVK. Den e caso aki e sosopechosonan ta Susebeek, Harms y ex minister Benny Sevinger mes.
E acusacion den e parti aki ta cu Benny a previligia su mes fundacion. October lo trata dos compania envolví den negoshi cu terenonan y cual ta e dossiernan di Elenath /Deshaun/ D. Shop / Diana Lerma cu ta un testigo den e caso y e Sospechosonan cu ta den e caso aki ta L. Arends, Sr Every, Sra. Richardson. Sr. Abath y Benny Sevinger.
Den luna di november lo trata Damira cu tin di haber cu sospechosonan N.Nuñes, E.Werleman, C.Mansur, F.Abath y Benny Sevinger. Pero tambe lo trata den november e parti di Bucuti cu e sosopechoso principal ta Benny Sevinger riba e puntonan di verduistering, en witwassen, ladronicia y labamento di placa. Riba 9 di november lo trata Benny Sevinger mes como sospechoso y e acusacionnan ta di falsificación ,estafa,tumamento di regalo,labamento di placa y abuso di función. Y fiscal lo hiba su rekisitorio riba 10 y 11 di november.
Den luna di december ta bini na turno e abogadonan , reaccion di ambos banda y ultimo palabra. y e demas sospechosonan den avestruz pa asina na Januari tin un veredicto final den e caso di Aveztruz. E keho aki oficialmente a keda entrega door di Jan de Ruiter y Micheal Williams cu a entrega e prome rapport na Ministerio Publico pa cuminsa cu investigación riba otorgamento di tereno cu a haya e nomber di avestruz. Tambe mester bisa cu ta un hues comisario di Sint Maarten a bin Aruba pa interogacionnan. E diferente casonan a haya e siguiente nombernan: Deshaun, Elenath; Deshaun/Elenath, Damira/Lizner