Heart-Centered Leadership Foundation (HCLF) ta anuncia oportunidad pa hoben adulto entre 18 pa 35 aña cuminsa un trayecto di training como boluntario Heart-Centered Impact Coaches (HCIC).
HCIC ta boluntarionan cu ta contribui na e realisacion di HCLF su meta pa empodera y inspira hobennan. Un HCIC ta capacita pa mentor hobennan den forma di sosten y motivacion durante un workshop, seminario y actividadnan di HCLF, guia proceso di ehecutacion pa proyecto, y fungi como un coach of buddy pa un hoben. E oportunidad aki ta duna espacio pa hobennan adulto por conecta cu otro hobennan, inspira formacion di decisionnan positivo, y crea un impresion impactoso den bida di hoben.
HCLF ta brinda trayecto di training pa por prepara hobennan adulto pa nan funcion como HCIC. E trayecto di training ta un paso esencial pa un boluntario por desaroya e actitud y habilidadnan necesario pa por guia y sostene hobennan durante actividadnan. Boluntarionan ta ricibi 1 training introductorio y 2 training preparatorio cual ta pone emfasis riba conosemento di habilidad, balor y proposito propio, dynamica y facilitacion den grupo y maneho di proyecto.
Den e mundo actual e no ta fasil pa crece como un hoben. E dicho “it takes a village to raise a child” ta uno cu HCLF ta promove, unda tur esnan cu ta involucra den bida di un hoben tin un rol crucial pa hunga pa yuda den formacion di un hoben. Pa HCLF eta sumamente importante pa hobennan adulto cu ta un studiante, un ‘young professional’ por conecta y motiva hobennan usando nan conocemento y experiencia den bida pa por inspira hobennan pa sigui cu nan estudio, traha riba metanan y sigui nan soñonan. HCLF ta kere den e balor di practica ‘peer to
peer coaching’ mirando cu hobennan por confia y reconoce nan mes mas facil den otro hobennan adulto cu no mucho tempo pasa tabata un hoben nan mes, tratando di descubri ken nan ta y kico nan kier logra den bida. Pa es motibo, nos ta scoge pa train specificamente hobennan adulto.
Nos boluntarionan ta comparti nan experiencia como Heart-Centered Impact Coach.
Zahaira, un boluntario di 26 aña ta comparti: “Como Heart-Centered Impact Coach, ami ta empodera hobennan door di mustra nan e importancia di confia nan mes y sigui nan curason”
Keanu, un boluntario di 25 aña ta comparti: “Como Heart-Centered Impact Coach, ami ta crea impacto den bida di hobennan door di brinda un espacio sano pa nan por expresa nan mes autenticamente”.
Si ta interesa di siña mas con por cuminsa e trayecto di training como boluntario pa bira un Heart-Centered Impact Coach por bishita nos website www.hclfaruba.org/hcic of por manda nos un app na 5841211. E trayecto di training ta gratis, y ta inclui un paar di rekisito. Por inscribi pa cuminsa e trayecto como Heart-Centered Impact Coach te cu 20 september 2022. E trayectonan aki ta parti di e proyecto ‘Connecting Hearts’ cual ta co-financia door di Samenwerkende Fondsen Cariben, CEDE Aruba y Super Food Plaza Cares Program.
I am text block. Click edit button to change this text. Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo.