Nos situacion actual lo no cambia si no bin un cambio den nos gobierno. Ora nos tin un gobierno cu ta goberna a base di mentira nos isla lo no por progresa. Nos mester habri nos wowo pa waak kico ta pasando tur rond di nos. E agenda 2030 esta Metanan di Desaroyo Sostenible a cuminsa for di basta tempo caba. Nos por corda cu na September 2015 prome minister hulandes a firma un acuerdo cu e organisacion aki, entregando Hulanda su poder politico na e organisacion mundial. Awe primier Rutte, Kaag y Hoekstra ta wordo acusa di a traiciona nan pais. Esaki tambe nos prome minister a hasi dia 13 di November 2020 y dia 17 di December 2020 Aruba a bira e prome isla den Caribe cu ta entrega su autonomia na e organisacion mundial aki.
Nos por a tende cu e lider di e Foro Economico Mundial tin nan alumnonan den differente gobierno rond mundo. Esaki ta un agenda globalista cu pueblonan rond di mundo ta perde tur su autonomia. Nos por a mira con na Italie, Spaña, Francia, Canada y Argentina, e pueblo no tin voz mas. No mester papia mes di Cuba, Venezuela y Nicaragua. Esaki ta locual cu ta pasando na nos dushi Aruba. E organisacion aki a infiltra hasta den sistema di husticia. A comete fraude electoral na USA pa asina e partido socialista/comunista yega na poder. Por bisa tur cos di president Trump pero e tabata den caminda y tabata strobe e plan di agenda 2030 wordo ehecuta. Awe nos por mira cu economia di Merca a wordo destrui y Merca awe ta den recession, igualmente locual cu ta pasando den Union Europeo caminda e euro ta igual cu e dollar.
Tur cos a cuminsa cu e arma biologico cu yama covid-19. Ela wordo plama rond mundo. A use como un pandemia pa despues den un periodo cortico bin cu experimento genetico. Un experimento cu solamente por wordo introduci ora cu tin un pandemia. Experto cu a laga nan voz resona pa no tuma e experimento aki a wordo persigui y otro a wordo mata. P’esey hopi dokter a prefera di perde nan trabao. Rond mundo a hasi negoshi cu salud di hende sin importa salud di hende. Presidentnan a enrikese riba custia di nan pueblo. No wonder ta pakico a pusha nan pueblo pa tuma e experitomento aki. Awe despues di 2 aña hendenan tin cu biba cu consequencia di efecto di experimento aki y otronan a fayece y pio ainda cu mas hende lo muri. Na Spaña esnan cu ta muri ta 5 biaha mas hopi cu normal y e ta bao di esnan cu a tuma e experiment genetico alo. Dokternan aki na Aruba a keda keto y a laga nos pueblo wordo forsa pa tuma e experimento cu ta malo pa salud.
E organisacion mundial cueste lo que cueste kier hasi nos pueblo pober y laga nan perde tur cos pa asina nan keda na poder. Nan lema ta: Lo bo no tin nada y lo bo ta feliz. Expresion di un lider comunista e pueblo mester keda pober paso si nan haya placa nan ta bandona e mentalidad comunista.
Na nos madre patria e agricultornan ta protesta pavia cu kier kita e terreno for di nan. Hulanda ta e segundo pais mundial di productor di alimento. Parlamentario G. Van Meijeren a expresa claramente cu premier hulandes a traciona su pais y ta castigable pa e traicion aki. President manera Bolsonaro, Orban y Bukele ta lucha contra di e organisacion mundial aki. Solamente un cambio den politica na Merca lo trese un cambio mundial.
Nos di partido Curpa no ta kere den e metanan desaroyo sostenible esta e agenda 2030. Aki na Aruba nos tin hasta un website: www.sdgaruba.com y ta situa na L.G. Smith Boulevard 76 cual ta Bestuurskantoor. Si bo ta den un posicion pa hasi bon y bo no ta hasie esey ta pica y bo man lo ta mancha na sanger. Lider di partido Curpa Eric Alvin Conrad Ras
