Oficialmente na un total di 10 scol secundario (MAVO).
E programa educativo di “BeYourOwnBoss” cu a wordo anuncia via un conferencia di prensa dia 15 di Augustus 2022 a wordo introduci oficialmente na un grupo di casi 700 studiante (14-16 aña).
Qredits Aruba hunto cu Aruba Bank a bishita varios scol e siman aki pa asina lansa e programa di “BeYourOwnBoss” unda cu diferente maestra(o)nan a duna un splicacion na e alumnonan di kico lo por spera e aña aki di e programa y kiko nan lo logra realisa na final di e programa.
“BeYourOwnBoss” lo stimula “Entrepreneurship” como un opcion di carera, y ademas di esaki y mas importante ainda, lo stimula e habilidadnan empresarial cu ta wordo exihi no solamente ora un persona ta un entrepreneur, pero tambe ora cu ta traha den cualkier organisacion. Locual cu e studiantenan lo siña durante e programa di “BeYourOwnBoss” nan lo por aplica den cualkier tipo di trabou cu wordo escogi den futuro.
Durante e aña escolar studiantenan lo ser conoci cu diferente entrepreneurs local unda nan lo comparti nan experencia y conocemento di nan propio mercado. Por medio di tareanan practico studiantenan tambe lo siña con pa hasi un sondeo di e mercado local. Na final tur studiante lo haya e oportunidad pa presenta nan propio idea di un producto of servicio durante e “Pitch Event”.
Qredits Aruba y Aruba Bank ta desea tur e studiantenan y e docentenan di e 10 scolnan tur clase di exito cu e programa “BeYourOwnBoss” den 2022-2023.
Un gradicimento ta bai na Aruba Bank N.V. pa patrocina e proyecto aki y pa e colaboracion cu sigur lo hasi un impacto hopi grandi riba nos studiantenan y nan preparacion pa nan futuro carera.
