Fundacion Telefon pa Hubentud Aruba pa algun tempo caba ta exportando conocimiento den region, y sigur pa e islanan BES (Bonaire, Sint Eustatius y Saba). Ariba diabierna 26 di augustus ulimo Fundacion Telefon pa Hubentud Aruba a ricibi bishita di cabesantenan di scolnan katholico di Bonaire.
E cabesantenan tawata kier a haya mas informacion tocante e manera di opera di Fundacion Telefon pa Hubentud Aruba, problemanan andando bao di nos muchanan y hobenan, y tocante diferente proyecto cu Fundacion Telefon pa Hubentud Aruba tin pa oferce na muchanan, hobenan, adolescentenan y mayornan.
Durante un presentacion hopi extenso e cabesantenan a ricibi informacion tocante e evidence-based best practice cu Fundacion Telefon pa Hubentud Aruba ta uzando pa opera e ayudo telefonico y di internet di mucha y hoben pa e isla di Aruba St. Eustatius y Saba. Tambe nan a haya un splicacion extenso tocante desaroyo y implementacion di e diferente lectura, workshop y proyectonan di Fundacion Telefon pa Hubentud Aruba.
E traspaso di conocemento aki ta den cuadro di e ‘kenniscentrum’ di Fundacion Telefon pa Hubentud Aruba cu ta exportando conocimiento. Despues di 22 aña di existencia Fundacion Telefon pa Hubentud Aruba como un ‘Kenniscentrum’ ta exportanando conocimiento na organisacionan gubernamental y no-gubernamental den region. Banda di crea conocimiento y comparti conocimiento, awor Fundacion Telefon pa Hubentud Aruba como un ‘Kenniscentrum’ ta bai sigui exporta conocimento.
Un gradicimento ta bai na Stichting Rooms Katholieke Schoolbestuur Bonaire.
Pa mas informacion tocante ‘kenniscentrum’ di Fundacion Telefon pa Hubentud Aruba por tuma contacto cu Fundacion Telefon pa Hubentud Aruba via nos facebook: https://www.facebook.com/telefon.hubentud/, email: telhubentud@gmail.com of telefon 5886138/ 5884011.
