Riba Djarason, 17 di ougùstùs, Teniente Kolonèl di Marina Art van Beekhuizen a pasa e Komando di Kazèrne di Marina Savaneta pa kolega den rango, Teniente Kolonèl di Marina, Tim van Wijk.
Van Beekhuizen den su spich di despedida a tira un bista atras riba e subida i bahadanan durante su komando.
“For di e Kazèrne aki nos tabatin hopi implementashon eksitoso di e Skuadron di Marina Karibe i e Marinirnan Rubiano huntu ku Wardakosta Region Karibe Hulandes i tambe Kuerpo Polisial Aruba, ku e fin di salbaguardiá e integridat di e fronteranan i e mantenshon di órden públiko i siguridat. Mi ta pues orguyoso di e kolaborashon entre e organisashon di Kazèrne, Voedselbank i Krus Kòrá. Di opservashonnan enkubrí di nos infanteria di Marina, te na tripulashon di e kuartel ku a bai kushina pa esnan pober den komunidat, durante e pandemia di Covid-19
Nos a hasi esaki ku esfuerso máksimo, entusiasmo i konvikshon”.
Den esaki van Beekhuizen a menshoná un otro punto speshal ku a destaká:
“Mi ta sinti masha bon mes ku nos por a yama damanan bon biní den e Trayekto di Formashon Soshal i ku esei a dal un stap prinsipal den Karibe. Mi ta spera ku na 2023, nos por yama bon biní na e siguiente grupo di damas.” Finalmente el a gradisí tur hende pa e bon koperashon, envolvimentu i sosten durante e último añanan.
E Komandante nobo di Kazèrne, Van Wijk, a gradisí Van Beekhuizen pa e añanan ku a pasa, pa e periodo intensivo di familiarisashon, i e yudansa personal pa yud’é riba e stul. Van Wijk a menshoná tres punta di lansa importante i e posibilidatnan pa yudansa Militar durante su spich; “Espíritu di ekipo, modestia i divershon. E koperashon ku nos ta brinda Aruba ta desinteresá, nos ta kuida otro, nos ta dialogá ku otro, nos tin konfiansa den otro i den e ekipo, nos ta realisá kon bon nos tin e i ta kompartí esaki ku e komunidat di Aruba i ku nos mes famianan. Mi ta para pa esaki. Nos ta para pa esaki.”
E traspaso di Komando entre otro a keda asistí pa Alto Dignatarionan di Aruba, entre otro Gobernador i Minister Presidènt.
