Propietarionan di Kioskonan di Carnaval Village y Linear Park ta hiba gobierno corte. E mensahe ta “TA BASTA” Kico mas mester pasa pa haya atencion di mandatario responsabel di tur mal maneho cu ta pasando den DIP. Si no ta un ta e otro, no tin ningun maneho drechi den e departamento aki haci pa director di DIP Haime Croes, y ta bisto cu e ta perhudicando e interes general di Aruba su hendenan.
Actualmente propietarionan di Kioskonan na Aruba ta fada y cansa di varios acercamiento na tanto e director di DIP Haime Croes sin ningun contesta, pero tambe cartanan cu a ser manda pa prome minister cu den e caso aki tin e cartera di infrastructura bao di dje.
Pueblo ta sufri y sclama pa nan derechonan for di basta tempo. Tur propietarionan di Kioskonan di Carnaval Village y di Linear park a uni hunto y a bisa ta basta unda cu nan lo hiba gobierno corte. For di basta tempo caba ta roga e director di DIP pa atende cu e contractnan di e Kioskonan pa asina haya nan vergunning, pero director di DIP no ta contesta nan y no ta duna nan importancia.
E ultimo cu a haya un contract di DIP tabata na aña 2014 y e restonan te cu awe no tin un contract y loke cu nan tin ta basa riba palabracion, pero danki na Cuerpo Policial cu ta yudando pa e propietarionan di e Kioskonan tin un “tijdelijkevergunning” y tambe carchi berde di salubridad cu e kioskonan por ta habri.
Pero e permiso oficial no a keda duna door di e director di DIP mirando cu nunca a contesta nan, no ta contestanan y no a saca contract pa nan. Tambe tur e companianan tin e intencion di pone director di DIP personalmente responsabel pa e dañonan cu e ta causando na e negoshinan Por a compronde for di e propietarionan di e kioskonan cu e respuesta cu nan a ricibi for di e mandatario cu ta dirigi DIP , cu e como minister no kier mete den DIP, pero ta laga e director atende cu su responsabilidad.
Sinembargo ley ta bisa cu e minister encarga mester hanteer loke ta precario y uitgiffte van eigendommen y no e director. Esaki ta e Minister conserni ta responsabel y den ley e ta para. Mirando e situacion cu tin actualmente si no ta traha abase di ley kende realmente ta coriendo pa e responsabilidad cu e tin pa un bon maneho den DIP? , e director of e mandatario conserni ?
Ta berdad cu Minister Wever Croes a entrega un mandaat na e director Haime Croes, pero esaki no tin ningun efecto. Na final di dia e minister di DIP ta responsabel pa loke ta uitgifte van eigendommennan, esaki ta un di su debernan na momento cu a huramenta como minister.
Esaki ta un di e tantisimo casonan cu tin den corte di DIP cu Pueblo lo mester bay paga pa un mal maneho cu tin den DIP