CuracaoFeaturedInternacional

Bishita di UoC na Representashon di Hulanda

Vertegenwoordiging Van Nederland
Resientemente Representashon di Hulanda na Willemstad a risibí bishita di Margo Groenewoud i Ergün Erkocu; ámbos persona ta konektá na Universidat di Kòrsou. Nan a duna trahadónan di Representashon di Hulanda un presentashon sumamente interesante tokante nan aktividatnan investigativo, tantu esnan aktual komo esnan ku mester tuma lugá ainda. Serka Margo ta trata di digitalisashon di herensia, a base di un aserkamentu transnashonal – en partikular Karibense – ku entre otro ta resultá den database digital ku materia históriko ku ta fásilmente aksesibel i ku enseñansa tambe por benefisiá di dje.
Ergün a presentá un seri di proyekto di estudio ku hopi bia tabata relashoná ku mehorashon di e ambiente laboral i di bibienda na Kòrsou, solushonnan pa problemátika di planifikashon urbano i di medio ambiente i outosufisiensia. Alabes tin e posibilidat ku por trata e resultado di e proyektonan di estudio aki internashonalmente.
Den nan aserkamentu kolaborashon ta para sentral; ku stakeholder lokal, manera instansianan di investigashon den region, na Hulanda i mas aleu. E liña kòrá den nan presentashon tabata – banda di perseveransia – kon ku relativamente tiki rekurso bo por realisá e resultado máksimo pa awor i den futuro ku tin un impakto grandi riba bo komunidat.
Representashon di Hulanda ta gradisí Margo i Ergün pa nan aktividatnan positivo i relevante na benefisio di Kòrsou i otro stakeholder den Reino (i pafó) i ta deseá nan tur klase di éksito i sosten ku ehekushon di nan plannan.

Related posts

Aña 2022 oposicion a entrega mas di 52 mocion y amienda y ningun a keda aproba

EA News Author

Parlamentario Darlaine Guedez-Erasmus (MEP): Como parlamentario mi prioridad ta mira e bienestar di pueblo

EA News Author

Minister Xiomara Maduro di Finansa: Aruba ta introduci un Garantia di Deposito pa sigura pago na e consumidor di un parti di e fondonan cu nan tin na banconan comercial

EA News Author

Leave a Comment

Whatsapp Message