Manera anuncia caba algun siman pasa e cambio den lista di remedi lo keda introduci dia prome di oktober. Den cuadro di esaki AZV ta preparando pa su introduccion y ta organiza anochinan informativo pa dunadonan di cuido.
Organo Ehecutivo AZV (OE AZV) pa medio di e comunicado aki ta invita tur dunado di cuido pa asisti na e 2do sesion informativo tocante e cambio di e lista di remedi. E sesion aki ta tuma luga riba diamars 16 di augustus pa 7:00pm na Renaissance Convention Center.
Porta ta habri desde 6or y mey di atardi. Durante e anochi aki cada dunado di cuido lo haya informacion tocante e cambio den e lista di remedi pa asina tur hende ta riba mesun liña di interpretacion di esaki. Na mes momento OE AZV lo haci uzo di e oportunidad pa inventarisa tur pregunta cu por tin den sala di parti di e dunadonan di cuido.
E campaña di informacion pa e aseguradonan tambe ta inicia via diferente canal manera e website, social media, radio y of tv. Informacion tocante e cambio den e lista di remedi lo keda duna. Gradualmente lo intensiva e actividadnan aki cu meta pa 1 di oktober 2022 comunidad di Aruba ta bon informa y prepara pa e cambio.
