WardaKosta cu bon colaboracion cu Marina Real ta mirando e frutonan di bon trabao. E boto Groningen ta un unidad di kustwacht Caribish gebied. Groningen a haci un detencion ayera durante di dia na momento cu un go fast tabata sospechoso.
Na momento cu para e go fast aki y a bay over pa controla riba e go fast a haya diferente hende homber abordo. Wardakosta mesora a entrega e personanan aki na KPCN cu ta e cuerpo policial di Boneiro. Despues a sigui controla e go fast unda cu a resulta cu abordo tabatin diferente pakete cu tabata contene droga y durante di dia a haci investigacion necesario y na unda cu a resulta cu tabata trata di 1600 kilo di droga (marihuana) cu tabata transporta den e go fast den awa teritoria di Boneiro.
Den casonan asina mayoria botonan y go fast nan ta bin for di Colombia y of Venezuela y of di Latino America pero tambe tin otronan cu ta bin porehempel di Santo Domingo. Sinembargo vocero di WardaKosta Shalick Clement ta duna di conoce cu hopi di e droga nan aki , no ta tur ta pa e mercado local di entre otro Aruba, Boneiro of Corsou, pero hopi biaha nan ta uza e islanan aki como trampolin uzando e awanan teritorial di Aruba pa pasa bay noord pa bay entre otro Santo Domingo.
Sinembargo e cantidad nan chikito cu ta haya manera 40 kilo kisas esakinan si lo ta destina pa e islanan, pero generalmente e lotenan grandi cu ta pasa 1000 kilo bay ariba ta lotenan grandi y na unda cu nan ta uza e islanan aki como trampolin unda cu nan ta pasa pa bay un otro pais pa sigui transporta e droga pa mercadonan mas leu y mas grandi. Banda di tur cos WardaKosta ta hopi contento cu e colaboracion cu nan tin cu tur Pais specialmente cu Aruba.
WardaKosta ta traha hopi mas pro-activo riba un caso unda cu na momento cu tin sospecho y tambe na momento cu drenta informacion cu algo ta bay sosode WardaKosta por actua hopi mas miho unda cu por focus y dirigi riba un caso. Pa loke ta e parti di Radar tambe WardaKosta ta hopi contento cu ne , esaki ta ilustra cu diferente factor y aspecto ta yudando ultimo tempo unda cu WardaKosta ta canta bingo.
E seis casonan cu WardaKosta a resove den e ultimo 2 luna por a tuma nota cu tin basta personanan local di Aruba cu tambe ta forma parti di e transporte ilegal cu ta algo cu ta mira mas di cerca den e ultimo temponan aki mas y mas.
Pesey mes WardaKosta lo keda controla e botonan local tambe pa mira si abordo tin cosnan ilegal tumando luga. E controlnan di WardaKosta lo keda continua. Na Boneiro e 1600 lote di marihuana cu a keda confisca ya caba ayera den oranan di mainta e la ser kima completamente y e 8 personanan deteni husticia lo sigui cu nan proceso di deportacion.
A kima lote di 1600 kilo di Marihuana confisca riba awa teritorial di Boneiro
