Sperando cu nos muchanan, nos hubentud y nos maestro y maestranan tur ta gozando ketobay di nan vakantie. Descansa, relaha, bai laman, keiro rond di Aruba y ta un turista local ariba bo mesun isla. Tin cu a spaar y planea pa bay dal un keiro den exterior, Disneyworld of un di e islanan mas serca di cas mes, Bonaire of Corsouw. Y claro , esun cu por, por ta, ta bishita un otro pais of isla un crenchi mas leu. Mientrastanto nos ta spera cu e studiantenan cu a bai Hulanda pa sigui nan estudio eynan, tur tin un lugar di drumi. Podise ta mas facil ora nan mes ta ayanan nan busca nan kamber cu yudanza di un mentor y of Arubahuis. . Nos tambe ta tende aki aya cu ta Arubahuis a faya nan, no tin bon mentor mas. Ban spera cu esaki ta rumores y nada mas. Ta hopi cambionan a bin aserca despues di e temporada di covid-19. Nada no ta asina facil mas awendia. Y nada no ta barata mas awendia tampoco.” Manera e cancion One day at a time ta bisa, it’s cheating and stealing”. Bo ta lesa chistenan di e prijs di awa cu coriente cu ta bay subi, con pa baha esakinan un crenchi. Tin di nan cu ta “make sense”, por ehempel, ora di habona, sera e cramchi y despues habriele bek pa kita hawa e scuma fei curpa. Ach, cuanto no ta keha riba nos gobierno actual, pero ta lubida cu, ta tur gobierno a traha y faya den nan mesun programanan . Ningun di nan ta perfecto. Asina mes tin hopi personanan eifo studia den comunidad cu un diploma cu no ta lesa ni corant ni social media pa sa “cuantor tin” . Lady Ruth tambe sa di varios cu tawata bisa :” Lagami sa si un conosi a fayece”. A yega un tempo cu nos contesta ta, nos no ta bo agenda, bo ta adulto responsabel pa bo mesun actonan. Ta nos grandinan cu ta keda afecta ta lesa y scucha y wak noticia. Hopi di esnan di e generacion aki kier sa solamente unda tin coi hasi pa bay djodjo diabierna y of diasabra anochi. Segun nos por a comprende, ariba varios tereno tin tambe cu a of ta traha duro y duna nan trabao mas ora cu ta rekeri, ta cumpli cu seriedad y dedicacion ya pa anjas, locual ta causa cu otronan ta jalurs ariba e hendenan nechi y drechi aki cu por ta un crenchi cansa of stressed pa via di e oranan largo di trabao, pero cu ta hanja un skop como danki ?. Manera ta bisa na hulandes “Stank voor dank”. Cu ganjamento , otronan cu ta traha trampa pa e bonnan cu a hasi un fout, perde nan trabao pa e harragannan ple fini hanja e puesto. Ta cosnan cu sa pasa .
Segun nos a comprende tambe, ta, cu tin mas muher cu homber aki na Aruba tambe, y tin di nan cu no tin respet pa nan mes pero ta benta nan mes na pia di cualkier un bon hende homber pa placa, of pa otro material of pa puesto. Y ora nan no logra nan ta tuma revancha ? Lady Ruth como Poeta ta expresa su humilde opinion :” Tin un Dios cu ta wak y tende tur cos semper”, y aunke tin cu no tin un consenshi, nos ta comprende, ta purba di scapa nan mesun trabao, locual ta logico. Tin ta hanja un “warning” mientras otro no, pero ta tuma medida drastico sin wak tur e bon trabaonan cu e la cumpli cu ne. Niun hende ta perfecto shonnan. Ni e donjonan y of hefenan di e lugar. E dicho ta bisa, cu, eseynan tambe lo enfrenta nan karma un dia, pasobra tur complice di cos mahos scondi den scuridad lo sali na cla un dia. Laf cu esakinan ta danja e bon trato y bon cordialidad di nos hendenan di Aruba. Ta hopi tin cu kier “Pronkia cu plumanan di otro “. Tin hopi Compa Nanzi. Y tambe tin hopi Pinocchio. Pero tin hopi strea cu sa nan lus, mientras tin cu no conose kiko ta pordona. Si abo ta sin pica, tira e prome piedra , ta para den e buki mas lesa na mundo.
Ach, Lady Ruth ta prefera di inspira un bunita poema di amor, di amistad of di naturalesa. Bida ta sigui pa tur cu bo kier of no, tur cos ta pasa pa un motibo, y ta Architecto di Universo mes tin tur cos den su man y ta duna nos pruebanan. Tin biaha ta e mes ta laga sera un porta, pa un mihor porta habri . Keda mantene bo fe ! Tin malo ta pasa na mundo, pero tin mas bon cu ta pasa tambe.” One day at a time, show me the stairway I have to climb “ ”Teach me to take, One day at a time”. “Stay safe, love you too !” Semper tin un malo, un bon, un peor y of un mihor y tur ta conecta na e mesun spirito. Pero tin biaha tin demonionan di otronan ta irrita esnan cu ta calmo, respetuoso y bon hende. Ta poni pa nos sigui reza pa nos enemigonan y hasta bendiciona nan, pasobra nan no por yuda nan mes cu nan ta mal hende, golos pa cos, golos pa puesto, golos pa material y bende hasta nan curpa. No ta mundo ta mahos, ta hendenan cu no tin Dios den nan bida ta hasi cosnan mahos y ta purba danja bida di otronan cu sa cu ta ganja e diabel ta ganja .
Na esnan di bon boluntad, cu ta para pa nan berdad of nan fout, keda cana frenta y cara na laira , Dios conoce’bo , Dios ta stima’bo, “You are the blessing” Ningun por horta y kita bo paz for di bo. No ta nan a duna’bo e bunita, dushi paz y trankilidad ey.
Nos tur ta cosecha locual nos ta sembra. Aki of aya.
