Awe diahuebs 28 juli 2022 den oranan di atardi e seleccion femenino hubenil U15 di Aruba a sali pa Tampa, Florida unda nan lo ta compitiendo den e 2022 CONCACAF Under 15 Tournament.
Contrario na un publicacion haci anteriormente unda nos a pone e Liga y poule den cual nos seleccion di Aruba lo hunga, esaki a conoce un cambio grandi e siman aki. Debi na e cantidad di cancelacion di e paisnan cu mester a participa na e torneo, Concacaf mester a reschedule henter e torneo y a pone Aruba den un categoria di nivel mas halto. Awor nos seleccion Girls U15 lo ta den Liga B, Grupo D hunto cu Honduras, Bahamas y US Virgen Island. Tanto Honduras como Bahamas ta di Liga B originalmente mientras cu USVI y Aruba ta di Liga C. Aki dos pais lo avansa pa e playoff final.
Pa loke ta Aruba nan prome 3 weganan segun e schedule nobo nos damitanan lo hunga:Diadomingo 31 di Juli: Aruba vs Honduras – 11or di mainta ,Dialuna 1 di Aug: Aruba vs Bahamas – 11or di mainta,Diaranzon 3 di Aug: Aruba vs Us Virgen Island – 9or di mainta
No obstante di e cambionan aki, e seleccion Girls U15 ta motiva y determina pa hasi un tremendo papel durante e torneo na Tampa, Florida. Nan lo sali cada wega y defende dignamente e colornan di nos bandera.
Nos kier a desea e seleccion Girls U15 tur clase di exito den e 2022 Concacaf Under 15 Tournament na Tampa, Florida.
Seleccion di futbol Girls U15 a biaha pa e 2022 CONCACAF Under 15 Tournament na Tampa, Florida
