50 Mihó Restorantnan den karibe
Pa di 10 aña Caribbean Journal ta kompartí un lista di 50 mihó restorantnan di den karibe. E restorantnan ta wòrdu klasifiká a base di kuminda, servisio i ambiente.
Nos ta yama pabien na Brass Boer ku a klasifiká komo number 1. Caribbean Journal ta deskribí Brass Boer komo “e lider den karibe ku ta mantene e promé puesto. E klasiko aki di Boneiru, di tres strea Michelin di Jonnie i Thérèse Boer (e tim tras di De Librije) a krea e restorant karibense, e nivel di arte kulinario nunka antes a ser mirá den e region aki, tur esaki situá pegá ku laman na Delfins Beach Resort.”
Tambe den e mihó restorantnan den karibe a klasifiká na number 7 CHEFS Bonaire. Caribbean Journal su deskripshon di CHEFS Bonaire: “Nan tin solamente algun asiento disponibel pa siman, i ta habrí solamente pa sena. E ta mas un biahe ku simplemente un sena, e ta un kreashon di e bon amigunan Han ten Winkel i Mark Tromop, kende a krea un di e eksperensianan gastronomiko mas úniko den karibe, situá na Bamboo Bonaire Resort.”
Pabien i un danki na nos partnernan Brass Boer i CHEFS Bonaire pa pone Boneiru su nòmber riba mapa komo ‘Culinary Capital of the world’. Tourism Corporation Bonaire ta kompartí ku e tipo di rekonosimentunan aki ta pas den vishon pa desaroyo i promoshon di nos esena gastronomiko huntu ku otro eksperensianan ku nos isla tin di ofrese ku ta bai mas aleu di e sambuyamentu fantastiko ku semper nos ta konosí pe.
