Partido MAN : Relashoná ku prestashon di nos deportistanan na nivel regional i mundial.Ku ‘legria,beneplásitoi un sentido di orguyo, Partido MAN tambe a risibí notisia di e gran prestashon di nos deportistanan na nivel regional i mundial. E logronan di nos deportistanan, aparte di ta suprayá e talento ku nos yunan di tera tin, ta sirbi komo ehèmpel ku ora nos tin un vishon, plan di akshon i nos realisá trabou en konhunto, nos por logra hopi. E hóbennan aki a traha ku un meta, sostené pa nan mayornan, i guiá pa nan lidernan,pa pone nòmber i bandera di nos dushi Kòrsou na haltu. Nan a aportá na grandi na alsa nos nashon. E reto awor ta pa nos duna kontinuidat na e direkshon ku nos talentonan proyektá. E aña aki e logronan internashonal no tabata solamente den deporte di baseball i atletismo, pero tambe den ramonan di deporte manera entre otro natashon, hipismo i karate. E responsabilidat pa nos kontinuá riba e bon kaminda, no únikamente ta serka gobièrnu, pero tambe serka komersio, mayornan, dirigente – i dosentenan di skol.
Hasi deporte ta aportá na nos salú mental i korporal i ta lanta e sentido patriótikona nos isla. E ta di balor grandi tambe pa sigui pone nòmber di Kòrsou mas haltu riba mapa di mundu. Hasi deporte ta hasi patria. Partido Movementu Alsa Nashon(MAN) lo hasi tur loke ta na nos alkanse pa nos sigui promové deporte i kompetí na nivel haltu tantu lokal, komo pafó di nos frontera. Nos hóbennan a mustra ku nos por. Basta nos ke i traha den union pa un meta komun. Pa klousurá Partido MAN ta ekstendé palabranan di gratitut i felisitashonen partikular na e deportistanan, i en general, na kada siudadano ku di un forma òf otro a duna su granito pa nos por a yega na e resultado konosí. Nos komunidat ta hopi orguyoso di boso.
