Diabierna ultimo den oranan di anochi den centro di bario Dakota , Sport Vereneging Dakota a conmemora 75 aña reconociendo baluartenan di esunnan cu a haci esfuersonan grandi pa asina por a celebra e 75 aña. Riba e anochi aki a duna honor y reconocemento na e prome team campeon di SV Dakota den aña 1961 cu a bira campeon di division mas halto di futbol. Tambe a reconoce e team cu a logra record historico di cuater campeon sigui na 80, 81,82,y 83.
Riba e anochi aki tambe a reconoce e team campeon di aña 1995. Den presencia di invitadonan a reconoce Amado Rosina pa su trabao inmenso como dirigente y hungado, pero specialmente di ta un persona cu semper ta comparti historia nan y ta duna conseho kendenan den bario nunca no a haya un reconocemento pa asina miembro di bestuur por tene cuenta cu esakinan. Tambe a reconoce sr. Alfonso Jimenez cu tabata ex presidente di bestuur di centro di bario y SV Dakota, tambe a reconoce Igor Tayson Croes como un hoben cu a destaca di nos bario di Dakota cu a destaca den momento di Pandemia unda cu e la trece un alegria atrabes di su facebook cu su programa popular di Chupe cu Laura.
Un hoben cu a coy su talento pone hende hari y a briya den e añanan aki den nos comunidad y cu e ta bin di e bario di Dakota. Tambe riba e anochi bunita aki a reconoce Maurin Croes y Georgin Ras cu ta dos trahado ehemplar boluntario cu tabata yuda e organisacion den tur cos unda cu semper tabata atento y semper cla pa yuda den lifida, ta take care di e uniform nan y cu nan ta atento unda cu kico pidi nan nan tey cla pa duna un man y yuda e organisacion.
Tambe cu hopi orguyo Centro di bario Dakota, Sport Vereneging Dakota y bario di Dakota a honra Ruben Garcia pa su añanan y su amor y dedicacion na VS Dakota unda cu semper e ta cla pa cu su conseho, pone un spot y apoya e bario di Dakota.
Tambe oficialmente a declara Ruben Garcia e Voz di Dakota den un reconocemento special. Aunke Ruben no tabata presente debi cu ta malo e mensahe a yega na su persona y su famia. Fredy Tromp tambe a keda reconoci lider y presidente di popcorn Dancers pa su añanan dedica na arte, baile, cultura no solamente na SV Dakota , pero a dedica na henter Aruba.
Tabata un anochi hopi bunita unda cu a gradici tur e sponcernan y tambe gradici tur esunnan cu a traha durante añanan y a dedica na SV Dakota y cu awe por a celebra 75 aña. Un danki na henter bario di Dakota y tur e sponsornan cu por a haci e evento di henter un siman posibel. Tambe un danki ta bay na Minister di Deporte Endy Croes pa su aporte y presencia na Dakota.
Na final por a gosa cu Masive international brassband, Rincon Boys y tambe Sunami unda cu a termina e celebracion di henter un siman na centro di bario Dakota. Sinembargo ainda falta pa e rifa di auto cu lo tuma luga den september, SV Dakota ta haci un apelacion na comunidad di Aruba pa nan yuda cu un compra di un carchi di 5 florin y bo por ta un felis ganado di un auto nobo nobo pero na mes momento e 5 florin ey ta aporta na drecha centro di bario Dakota.
