Un comunidad cu por sigui desaroya sanamente riba terenonan di literatura y arte den tur su diciplinanan ta un comunidad sano y den balans. Hopi biaha esaki ta posibel cu ayudonan financiero di instancianan cu ta existi pa yuda den esaki, of ta bati na porta di otro instancianan priva ora ta trata di sumanan hopi grandi of ora nan no ta wordo yuda cu e suma total pidi, pasobra nan ta hanja fastioso pa yena tur e formularionan cu ta necesario den cualkier instancia serio y responsabel. Aruba ta bendiciona cu e instancianan Unoca y Prins Bernhard Cultuur Fonds Caribisch gebied . Nan a y ta yuda hopi di nos arstistanan local pa hopi anja caba.
Lady Ruth ta hopi bendiciona cu e contesta positivo di Unoca , hasi posibel pa por tene su di tres One woman show “Alegria di Ruthy 3″ den e luna di December venidero, ariba peticion di e publico cu a goza di su prome dos shownan, y e pueblo televidente cu por a goza di nan varios biaha na canal 13 y 23 di Tele Aruba durante careda di anja. Nos por participa e bon noticia di curason, cu Dios mediante su di tres show cu hopi amor y alegria, hunto cu un danki grandi diki gordo special tambe pa e gran yudanza di Departamento di Cultura DCA ( y nan team di Man Power, den persona di e dinamiconan Jhon Freddy y Stan Dabian,) cu lo cubri e sala di Cas di cultura ( luz, stage, powerpoint etc,). Awor Lady Ruth tin lus pa sigui traha riba su show # 3 pa tuma lugar Dios mediante den e luna di December venidero . Danki na DCA y UNOCA nos por realisa nos show Alegria di Ruthy 3. Awor nos musiconan, nos artistanan bailador y cantante como tambe nos “back stage persons” tambe ta cubri y lo traha cu mas smak y passion . Musiconan artista no por biba di applauso so. Nan ta aprecia nan “Artist fee”. Danki na Unoca pa e ayudo financiero pa cu locual tawata falta. Lady Ruth mes no ta pidi un “artist fee” pa su persona, pero, manera ta e caso cu e otro shownan, ta regala un instancia locual ser bendi na ticketnan di entrada Nos a yuda cu nos prome show Fundacion di Hende muhe den dificultad, despues di dos show a yuda 3 grupo di Scouting Aruba y e intencion pa e anja aki yuda Animal Shelter. Asina ta e caso tambe cu nos anochinan di Poesia cu ta wordo teni cada 2 of 3 luna, cu ayudo financiero di Prins Bernhard Cultuur Fonds Caribisch gebied , Setar y Aruba Bank e biaha aki ( y tin biaha tambe Unoca). Sin placa artistanan no por logra tur nan metanan y sigui comparti cu pueblo. Nos bunita anochi di Poesia conosi na ingles como “Poetry Night” di luna di Juni ultimo a tuma lugar na Kulture Café den curason di San Nicolas, danki na Prins Bernhard Cultuur Fonds Caribisch gebied, Setar, y Aruba Bank, e banco cu ta comprende. E tema tawata “ Letters collection” y tawatatin un publico basta grandi, mirando cu e anochi ey tawata e Dia di dera gay cu celebracion y actividadnan varios caminda riba nos isla. Ivan Quandus a bolbe percura pa e tremendo bon sonido, mientras e biaha aki e caballero inspira Sonny Richardson a fungi como e maestro di ceremonia. Hunto cu su bunita distinguida sra.esposa.beautiful Celeste di “we culture”nan a canta dos super bunita cantica di e gran Bob Marley dfm.
Un sorpresa agradabel pa a nota presencia y participacion di declamacion di sra. Nena Ponson cu ya ta den su ochenta anjanan di bida. Bunita cu un subrino di dje a trese’le. Un bunita anochi cu excellente servicio di Kulture Café. Lady Ruth a wordo pidi pa recita e “carta ” di Meneer Walter Mohamed cu tawata 6 couplet, cada un den un idioma, pero no por a recita esun na frances, pero a lora su taki taki of ta sranangtongo paso esey tawata mustra mas facil den e letranan formula den e palabranan riba e papel.( Nos a purba, hahahaha) Nos a recita si esnan na Papiamento, Hulandes, Spanjo y Ingles sin problema.
San Nicolas ta hopi bishita ultimamente pa su bunita murayanan pinta artisticamente cu hopi color y fantasia. Danki na “Basha Foundation” y e curason motor tras di e “Poetry Nights”nan sra. Maria Silva Hart cu escritornan Poetanan ta hanja oportunidadnan bunita regularmente pa expresa di nan curason nan poemanan, cartanan, poemanan prosa cu no of cu ta publica caba. Mayoria biaha ta poemanan nobo, cu nan ta bin cu nan pa di prome biaha y ta sinti nan na cas den e grupo cu ta apoya, scucha, comprende y anima nan. Y esey Lady Ruth ta spera di hanja atrobe den luna di December venidero pa cu su di tres show, pa alegra e curasonnan un crenchi atrobe cu su Poemanan, Canto, Baile y mas. “Alegria di Ruthy 3″ ta na caminda shonnan.
Danki pa lesa nos relato cu hopi atencion y curason! Stay safe, love you too !