Diahuebs 1 y diabierna 2 di september 2022 Rijksdienst Caribisch Nederland ta organisa e di tres congreso ‘Comunicacion Forsa di Reino’ den World Trade Center na Corsow. E congreso aki ta pa profecionalnan den comunicacion cu ta den servicio di gobierno nan of un organisacion relata na gobierno na Aruba, Boneiro, Corsow, Sint Maarten, Saba, Sint Eustatius, Hulanda y Suriname.
E obhetivo di e congreso ta pa promove union, tras paso di conocimento y colaboracion. Un bon red di profecionalnan di comunicacion ta fortalece e capacidad paden y pafor di Reino. E congreso ta wordo financia pa Ministerio di Asuntunan Interno y Relacionnan den Reino conhunto cu Ministerio di Husticia y Seguridad.
Orador y tema
Un grupo di orador cu specialidad diverso lo percura pa algun masterclass y tayernan di trabou inspirativo den diferente disciplina di comunicacion. Durante dos dia intensivo lo trata diferente topico manera comunicacion intercultural, comunicacion durante crisis, scirbi speach y comunicacion strategico den masterclass y sesionnan mas chikito.
Inscribi pa e workshop ‘Colabora den wowo di tormenta’
Durante di e congreso dia 1 di september lo organisa e tayer di trabou ‘Comunicacion durante Crisis: Colabora den wowo di tormenta’ pa un grupo di interes mas amplio. E tayer di trabou aki ta interesante pa tur hende cu tin un rol durante un crisis y no necesariamente ta traha pa gobierno of un organisacionsemi-gubernamental.
Svenja Westerduin y Francien Machielse, ambos expertonan di comunicacion y riesgo pa Nationaal Coordinator Terrorisme bestrijding en Veiligheid y e Nationaal Crisis centrum di ministerio di Husticia y Seguridad na Hulanda. Ta presenta e tayer di trabou den cooperacion cu Wilfred Muller, Consehero Senior den maneho di crisis den region di caribe, di Representacion di Hulanda na Aruba, Corsow y Sint Maarten.
Durante di e presentacion interactivo e oradornan ta bay mas profundo den e mundo di comunicacion durante crisis: structura di crisis, colaboracion, ‘mindset’, ‘tips and tricks’.
Inscribi pa e tayer di trabou
E tayer di trabou ‘Comunicacion durante crisis: colaboracion den wowo di e tormenta’ ta riba 1 di september 2022 di 13:30 pa 16:00 den e auditorium di WTC. Interesadonan cu no ta participa na e congreso, pero si na e tayer di trabou, por inscribi te cu 15 di augustus via di e e-mail rcncommunicatie@rijksdienstcn.com. Menciona bo nomber, organisacion, funcion y informacion di contacto. Partisipacion ta gratis.
Inscribi pa e congreso
Cupo disponibel ta limita den e congreso di 1 y 2 di september. Profecionalnan di comunicacion den servicio di gobiernoof un organisacionrelata na gobiernocu no a inscribi ainda pa e congreso por haci esaki te mas tarda 15 di augustusproximo via Eventbrite.
