Mas grandi cu placa , oro, diamanta, ta e amor di Dios, mas grandi cu tur poder di materialismo, podernan di mundo cualnan tur ta temporal, capricho di hende, y tur locual mundo ta ofrece, Dios su amor ta surpasa tur cos.
Hende no kier compronde cuanto Dios ta stima nos, cu aunke nos por lubida riba Dios, Dios ta fiel tur dia, tur dia E ta lanta nos, tur dia E ta bendiciona, tur dia E ta pone pan riba mesa, tur dia E ta habri porta, Dios nunca ta laga su yiunan, semper Dios tin un salida pa nos, aunke con dificil e tempo por ta.
Awor cu e mundo aki ta bira mas scur dia pa dia, semper e luz di Dios lo keda briya, ora nos kere cu tur cos a caba den nos bida , Dios ta aparece, y demostra cu E ta Dios, cu Su poder nunca ta caba, y Su amor y Su misericordia tey pa semper. Ta parce manera e enemigo a gana pero si nos yama riba e nomber di Dios , tur scuridad tin di bay pasobra nada no por para dilanti di e lus di Dios.( 1 Juan 1:5).
Dilanti Dios, tur cadena ta wordo kibra, y tur maldiciom lo disparse, tur locual hende por a proclama contra bida di otro lo desaparece, ningun hende por maldiciona, locual Dios bendiciona, porta cu Dios habri , ningun hende por sera, y porta cu Dios sera ningun hende por habri. Dios su palabra ta riba tur cos.
Aunke mundo por rebeldia contra Dios, toch su amor lo permanece pa semper, pasobra su amor ta infinito, hende ta cambia y haci hopi malo,, y awor mas cu nunca , nos por mira con hende cu a wordo traha den e imagen y semehansa di Dios ta, haci cosnan, cu ta nos mes ta puntra con por ta posibel hende por ninga Dios su inmenso amor, y hala na banda di maldad, den cual no tin ningun speransa , tur cos ta deseo wowo, y idolatria.
Laga nos sinta un momento y realisa, cu con grandi cu nos ta yama nos mes, riba cual stoel cu nos ta sinta,toch semper Dios su poder, lo keda riba nos, no laga orguyo, domina nos curazon, pasobra orguyo semper ta bini , prome cu caida, y mas cu tur cos Dios ta para na banda di esnan humilde.
Hende orguyoso no ta amigo di Dios, sin nan sa nan ta bira enemigo di Dios, pasobra nan ta stima e mundo mas cu Dios.
Por si acaso, bo ta pasando den momento duro di bida, malesa, maltrato, abuso,hende ta envidia bo, of hende papia malo di bo, of menosprecia bo, sabi cu Dios su amor ta grandi pa bo y Dios lo yudabo, corda riba e gran promesa di Dios:
Juan capitulo 15 vers 4 +5:Keda den Mi y ami lo keda den boso,
Mescos cu e rama no por carga fruta di su mes,si e no keda den e mata di wijdruif asina boso tampoco si boso no keda den Mi.
Ami ta e mata di wijndruif boso ta e ramanan,esun cu keda den Mi y Ami den dje, esey ta duna hopi fruta, pasobra separa di Mi boso no por haci nada.
Ta tempo pa tur Famia, tur cas, tur hende hala mas serca Dios, pasobra tempo ta malo caba, y ta dificil biba riba nos mes sin Dios. Tene esaki bon na cuenta.
