Hulandamester pidi diskulpapa e añanan di esklabitut
Riba dia di emansipashon Partido MAN kier duna importancia na desaroyo emansipatorio i outonomia / libertat di nos komo pueblo. Un pais den desaroyo kaminda tin hopi tereno i aspekto ku nos tin ku traha ariba òf mehorá nos mester duna importancia na un dia asina aki.
Nos emansipashon komo pueblo mester hiba nos na un pais kaminda nos ta karga aun mas tantu nos propio responsabilidat den tur aspekto pa tuma akshon i konstrui un nashon. Emasipashon mester saka nos for di pensamentu di ta menos komo pueblo paso nos a wòrdu kolonisá òf esklavisá.
Partido MAN ta kere i ta konvenisi ku mester eksigi di Hulanda despensa oficial pa e añanan ku a praktika sklabitut riba nos pais. Un diskulpa di parti di hulanda mester sirbi komo un hèrmènt kaminda no solamente Hulanda ta rekonosé e daño(nan) hasi den pasado, pero tambe mester sirbí tambe pa evitá kualgu asina aki hamas ripiti den aktualidat i futuro.
1 di yüli 2020 minister i sekretario di estado enkargá ku Relashon den Reino a instalá un kolegio di konseho “Advies college dialoog groepslavernijverleden”. E kolegio aki a keda enkargá ku e tarea pa organisá dialogo i traha un rapòrt ku e rekomendashonnan ku sali for di e dialogo. E dialogo a bai tokante influensia di sklabitut di pasado riba e komunidat di awor. E dialogo tabata dirigi riba rekonosé i“inbedding” di e parti aki di pasado.
MAN a tuma nota di e rapòrt “Ketenen van het verleden”kaminda e kolegio a bini ku diferente konklushon i rekomendashon dilanti. E kolegio ta di opinion ku mester kuminsa rekonosé sklabitut di pasado pero tambe ku mester kondena sklabitut komo un akto contra humanidat.
Tin un moshon di miembro di Tweede Kamer Nicolaï kaminda pidi gobièrnu Hulandes pa hasi meskos ku Fransia , kaminda por medio di lei ta stipulá kusklabituti e negoshi di sklabitut ta un krimen contra humanidat.
E kolegio ta konklui ku rekonosementu, diskulpa i rekuperashon mester keda regla por medio di lei kaminda sklabitut na e kolonia nan hulandes den siglo 17 i 18 ta keda kondena komo krimen contra humanidat.
Pa MAN libertat i ku dignidat humano ta central i ta importante pa duna valor i akshon na un echo ku mundialmente a keda kondená komo un akto contra humanidat. E ser humano su dignidat tin ku wòrdu defende i protehá pa awe i futuro. Nos historia mester bini di forma prominente dilanti i sigur parti di nos sistema di edukashon kaminda nos muchanan ta konose nos pasado.