Boneiro kier yega na un declaracion aprobatorio di accountant pa e cuenta anual di 2022. A inclui esaki tambe den e Acuerdo di Gobernacion cu a cera recientemente. Pa realisa esaki, ainda ta necesario tuma algun paso esencial den e proximo lunanan, asina a sali na cla tambe den e combersacion cu Colegio di supervision financiero (Cft) a hiba cu Colegio Ehecutivo di Boneiro. Tambe ta di importancia pa renoba e convenio entre Servicio di Impuesto di Hulanda Caribense (BCN) y Entidad Publico Boneiro (OLB) prome cu fin di aña.
Maneho financiero
Boneiro ta progresando gradualmente riba tereno di maneho financiero. Accountant a aproba e balans final di dia 31 di december 2021, pero el a entrega un abstencion di opinion tocante exactitud y legitimidad financiero di e cuenta anual di 2021. Ademas e accountant a indica cu por spera cu, bou di restriccion cu calidad di maneho financiero y organisacion administrativo y control interno (OA/CI) continua y sigui mehora nan, e por emiti un declaracion aprobatorio di control pa e aña fiscal di 2022.
Di crucial importancia den e trayecto ey ta e resultadonan di e control provisional di e accountant externo, cu, segun planificacion, lo sali publica na october. Cft a urgi BC tambe pa presenta prome cu dia 30 di juni un reportahe di ehecucion ahusta di e prome kwartaal, cu ta cumpli cu e rekisitonan legal.
Maneho di tereno
Repetidamente Cft a hala atencion riba e necesidad di stipula maneho di tereno mas pronto posibel. Te awe no a duna contenido na esey. Esaki ta nifica cu Boneiro te ainda no ta cumpli completamente cu su responsabilidad legal en virtud di e Decreto di Presupuesto y Hustificacion di e Entidadnan Publico BES (BBV BES). Como parti di e Acuerdo di Gobernacion Boneiro a redacta un nota di cuadro di maneho di tereno, den cual a elabora e vision di maneho di tereno. Ta di importancia pa presenta e nota di cuadro di maneho di tereno nobo mas pronto posibel na Conseho Insular pa su aprobacion definitivo.
Combersacion cu BCN
Den combersacion cu BCN Cft a tuma nota di e desaroyonan den e organicacion. A constata cu pa procesamento y recaudacion di e impuestonan insular ta importante pa acorda e convenio nobo entre BCN y Entidad Publico Boneiro (OLB) mas pronto posibel. Mester eleva suministro di informacion adecuado entre BCN y OLB.
Dia 21 di juni 2022 Cft BES a haci un bishita na Boneiro y a hiba combersacion cu Colegio Ehecutivo, Conseho Insular y BCN.